FB POSTS

Source : antique cars for sale near me

මිනිස්සුන්ට ආදරේ බලෙන් දනවන්න බැහැ.

මිනිස්සුන්ට ආදරේ බලෙන් දනවන්න බැහැ....
අපි නොහිතන වෙලාවක නොහිතන තැනකදී හමු වෙන කෙනෙකුට ආදරෙන් බැඳෙනවා අඩුයි කියල ගොඩක් අය හිතනවා...
එත් හොයල බැලුවහම, වැඩියෙන්ම ආදරේ කරන මිනිස්සු ආදරෙන් බැඳිලා තියෙන්නේ හරිම අහබු විදියට....
එයාල හීනෙන් වත් නොහිතපු විදියට වගේම හීනෙන් වත් නොපතපු විදියේ මිනිස්සුත් එක්ක...
ඒ නිසාම ගොඩක් අය ආදරේ අන්දයි කියනවා...බොළඳයි කියනවා...එහෙම කියන මිනිස්සුම කාටත් වැඩියෙන් නොගැලපෙන අයටම ආදරෙත් කරනවා..
මේ හැම දේකින්ම මට නම් දැනෙන්නේ ආදරේ අමුතුයි කියලයි...ඊටත් වැඩියෙන් ආදරේ කරන මිනිස්සු හරිම අමුතුයි කියල...
මිනිස්සුන්ට පුළුවන් ගොඩක් වෙනස්කම් හොයන්න,දකින්න....වෙන කිසිම සතෙකුට වඩා....
එත් අදරේදී විතරක් මිනිස්සු නැති සමානකමුත් හොයා ගන්නවා....ඇත්තටම අමුතුයි නේද???
-මුතුමුදලිගේ එමාෂි-

මෙය යාළුවන් සමගත් බෙදා ගන්න ගමන් ඔබේ කාලයෙන් මොහොතක් ගතකොට අපේ පේජ් එකට ලයික් එකක් දමන්නත් කාරුණික වන්න
Page - http://www.facebook.com/JeewithayaSundarai

Source : antique cars for sale near me

Sinhala Pala Pala

ඔබ උපන්නේ මාසයේ පළමුවන දා නම්,

ඔබ නායකත්වයට හා පාලනයට ඉතා දක්ෂ අයකු ලෙස සැලකේ.ඔබට ඉතා විශාල ආත්ම ශක්තියක් හිමිය. ඔබ තෝරාගන්නා මාර්ග හා ක්‍රියා පිළිවෙත් බොහෝ විට නිවැරදි වේ. සංවේදී අයකු වූවත් බාහිර පරිසරයට හා අවස්ථාවන්ට ගැළපෙන පරිදි හැගීම් ය
ටපත් කර තබා ගැනීමට ඔබට හැකියාව ඇත.

2දා උපන් ඔබට,
හැගීම්බර, සංවේදී, ඉක්මනින් උණුවන හිතක් හිමිය. ඔබේ ආදරවන්තයා හෝ ආදරවන්තිය ඔබගේ හැගීම් තේරුම් ගත හැකි අයකු වනවා දැකීමට ඔබ නිරන්තරයෙන් බලාපොරොත්තු වේ. සමාජශීලී ඔබට ඉතා ඉක්මනින් හා පහසුවෙන් මිතුරන් ඇතිකර ගැනීමට හැකියාවක් පවතී. නමුත් සමහර අවස්ථාවලදී ඉතා ඉක්මන් කේන්තිකාරයකු විය හැකිය. එවැනි අවස්ථාවලදී ඔබේ ධෛර්ය්‍ය අඩු විය හැකිය. ඔබ ඉතා හැගීම්බර අයකු බැවින් සුළු දේවලින් පවා කළබලවී මානසික අසහනයට හා හිතේ සාංකාවට පත් වීමේ නැඹුරුවක් පවතී.

මාසයේ 3 වන දින උපන් ඔබ,
පහසුවෙන් ශාරීරික හා මානසික බිද වැටීම් වලට ලක්වන අයෙකි. එමෙන්ම අවිවේකීය. පහසුවෙන් රැවටිය හැකි අයකුද ලෙසද සැලකේ. යහපත් සංකල්පනා වලින් යුක්ත ඔබ ලිවීම, කියවීම, ගායනය වැනි අංශ වලට දක්ෂතා දක්වයි. සමාජශිලී අයෙකි. ඉතා තියුණු පරිකල්පන ශක්තියක් ඔබ සතු වේ. ඔබ ආදරණීය අයෙකි. නමුත් ඉතා සංවේදීය. ජීවිතය පුරා කිහිප විටක් බිදවැටීම් සිදු විය හැකිය.

4 වන දා උපන් ඔබ,
හොද කලමනාකරන හැකියාවක් ඇති එමෙන්ම හොද සංවිධායකයෙකි. තම හැගීම් පාලනය කරගැනීමට ඔබ සමත්ය. ඍජු, අවංක අයෙකි. සන්සුන්ව අසීරු වැඩ කටයුතු පවා තනිව කිරීමට ඔබ සමත්ය. හැගීම් පාලනය කරගැනීමට ඔබ සමත්ය. නමුත් ආදරය සම්බන්ධයෙන් වේගවත් තීරණ ගැනීමට පෙළඹේ. ඔබ දැඩි, මුරණ්ඩු අයකු ලෙස සැලකිය හැකිය.

ඔබගේ උපන් දිනය යෙදී ඇත්තේ 5 වන දා නම්,
පිරිසක් සමග එකතුවී සහයෝගයෙන් වැඩ කර ඔවුන් සතුටු කිරීමට ඔබ සමත් වේ. ඔබ බොහෝ දේවල් කිරීමේ දක්ෂකමක් ඔබ සතුය. අළුත් අළුත් අදහස් ඉදිරිපත් කරයි. ඒකාකාරීව ජීවත් වීමට ඔබ අකමැතිය. වෙනස්වීමට හා සංචාරය කිරීමට ඔබ වැඩි නැඹුරුවක් දක්වයි. ක්‍රම ක්‍රමයෙන් දියුණුවන, ඕනෑම දෙයකට පහසුවෙන් හැඩගැසෙන ඔබ ඉක්මන් තීරණ ගැනීමට පෙළඹෙයි. ඔබ අවංක අයෙක් වන අතර විශ්ලේෂනය කිරීමට විශේෂ හැකියාවක් ඇත. අවිවේකී පරිසරයක ජීවත් වන ඔබ ටිකක් කළබල අයෙකි. තම වගකීම් හරි හැටි ඉටුකිරීමට ඔබට අපහසුය.

මාසයේ 6 වන දින උපන් ඔබ,
වගකීම් සහගතව කටයුතු කරන, ස්වභාවික අදහස් උදහස් වටහාගන්නා යහපත් අර්ථචරියාවෙන් යුක්ත ය. හැමදෙනාටම අවංක වීම ඔබ සතු ගුණාංගයකි. තම පවුල පිළිබදව මෙන්ම මිතුරන් පිළිබදවද විශේෂ සැලකිල්ලක් දක්වයි. වගකීම් සහගතව හා අරපරෙස්සමින් යුතුව කටයුතු කිරීම ඔබ තුල දැකිය හැකි විශේෂ ලක්ෂණ වේ.

ඔබේ උපන් දිනය යෙදී ඇත්තේ 7 වන දා ද?
ඔබ සර්වශුභවාදී පුද්ගලයකු ලෙස හැදින්විය හැකිය. විවිධ හේතූන් නිසා ඔබ තනිපුද්ගලවාදියකු ලෙසද කටයුතු කරයි. තියුණු විශ්ලේෂණ හැකියාවක් ඔබ සතුය. ඒ මගින් තර්කානුකූලව සිතීමට ඔබ පෙළඹේ. ඔබ ආධ්‍යාත්මිකව බොහෝ ශක්තිමත් අයෙකි. බොහෝ සංවේදීය. ඔබ බොහෝ විට කල් ගෙවන්නේ නම් දෙයක් පිළිබද කලකිරීමෙනි. නිසි පිළිවෙලකට වැඩ කිරීමට ඔබ තැත් නොකරයි. තනිවී වැඩ කිරීමට ඔබ කැමතිය. නැතිනම් සියල්ලම තමා යටතේ පාලනය කිරීමට කැමතිය. මධ්‍යස්ථව සිතයි. ටිකක් මුරණ්ඩු වේ.

ඔබ උපන්නේ මාසයේ 8වන දින නම්,
ඔබ ව්‍යාපාරවලට ඉතාමත්ම දක්ෂ අයෙකි. පාලනයට විශේෂ දක්ෂතාවක් දක්වයි. ඔබ ඕනෑම දෙයක අගය තක්සේරු කිරීමට පෙළඹෙන ස්වභාවයක් ඇත. තමන්ගේම ව්‍යාපාරයක් ආරම්භ කරන්නේ නම් සාර්ථකත්වයට පත්විය හැකිය. කුඩා කල සිටම ඔබ තුල පාලනය කෙරෙහි විශේෂ කැමැත්තක් පවතී. මුදල් පරිහරනයේදී ඔබ ඉතා සකසුරුවම් අයෙකි. සාමාන්‍යයෙන් ඔබ කාර්යබහුල අයකු නොවේ. නිකරුනේ ගත කරන කාලය ප්‍රයෝජනවත් දෙයක් සදහා වැය කිරීමට ඔබ පෙළඹේ. ද්‍රව්‍යමය අතින් ඉතා ඉහල දියුණු තත්වයකට පත්වීමට ඔබට හැකිය.

මාසයේ 9 වන දින උපත ලැබූ ඔබ,
පරමදර්ශනවාදියෙකි. එමෙන්ම මානව හිතවාදියෙකි. ඔබ පුළුල් හදවතක් ඇති, සාධාරණ, නිර්ලෝභී අයෙකු නිසා පහසුවෙන් අනෙකුන් හා කටයුතු කල හැකිය. අන්‍යයන්ගේ අවශ්‍යතා හා අදහස් වලට සංවේදී අයකු වන ඔබ ඉතා කරුණාවන්තය.

ඕනෑම මාසයක 10 වන දින උපන් ඔබ,
ස්වාධීනව හිතන අයෙකි. ඔබ නායකත්ව ගති ලක්ෂණ පෙන්නුම් කරයි. ඔබේ සැලසුම් සාර්ථක කර ගත හැකිය. ඔබ සංවේදී අයෙකි. නමුත් ඔබ ඔබගේ හැගීම් යටපත් කරගනී. කිහිප අවස්ථාවකදීම ඔබට නායකත්වයට පත්වීමේ අවස්ථාව ඇත.

11 වන දින උපන් ඔබ,
පරමදර්ශනවාදියෙකි. බල කිරීමට වඩා ඒත්තු ගැන්වීම මගින් යමක් කල හැකි යයි ඔබ සිතන නිසා ඔබ අන්‍යයන් සමග ඉතා හොදින් වැඩ කටයුතු කිරීමට සමත් වේ. ඔබටම ආවේණික වූ ආධ්‍යාත්මික සිතුවිලි ඔබ සතුය. ඔබ පරීක්ෂාකාරී, සංවේදී, මනෝධීන අයකු ලෙසද හැදින්විය හැක. හොද මතකයක් ඔබ ඔබ සතු වන අතර ව්‍යාපාර වැඩකටයුතු සිදුකිරීමේදී විවිධ ගැටළු වලට මැදි විය හැක. ඔබ අනිවාර්යයෙන්ම නිර්මාණශීලී අයෙක් වන අතර මේ ආභාෂය ඔබේ දියුණුව සදහා යොදා ගත හැකිය.

මාසයේ 12 වන දින ඉපදුනු ඔබට,
මානසිකව හා භෞතිකව විටින් විට බිදවැටීම් වලට ලක්වීමට සිදුවේ. ඔබ අවිවේකී, පහසුවෙන් මුලාවීමේ ප්‍රවනතාවක් ඇති අයකු ලෙසද පැවසිය හැකිය.ඔබ ඉතාමක් හොද සිතුවිලි වලින් යුක්තය. ලිවීම, කියවීම, හා ගායනය ආදී ක්ෂේත්‍රවලට විශිෂ්ඨත්වයක් දක්වන ඔබ හැමවිටම අන්‍යයන් සමග ඇසුරු කිරීමට දක්ෂ, කාර්යක්ෂම අයකු වේ. ඉතා තියුණු පරිකල්පන ශක්තියක් ඔබ සතුය. නමුත් ඔබ ඔබේ උනන්දුව අඩුකරගෙන විවිධ බාහිර ප්‍රශ්න පිළිබදව ආකූලතා ඇති කර ගැනීමට පෙළඹේ. ප්‍රායෝගික, තර්කාන්විත සිතුවිලි වලින් යුක්ත ඔබ ප්‍රේමණීය, හිතෛෂි අයෙකි. නමුත් ඉතා සංවේදීය. ජීවිතය පුරාවට විටින් විට බිද වැටීම්වලට මුහුණදීමට ඔබට සිදු වේ.

13 වන දින උපන් ඔබ,
විශිෂ්ඨ කලමණාකරුවෙක් හෝ සංවිධායකයෙකි. එම නිසා ඔබ අනෙක් අය අතර කැපී පෙනීමට ලක්වේ. වගකීම් සහගතව කටයුතු කරන ඔබ විනීත අයෙකි. අවංකය. බොහෝ විට සන්සුන්ව තනිවී වැඩ කිරීමට යොමුවේ. ඔබ නිවැරදි යයි සිතා සිදු කරන සමහර දේ නිසා සමහරුන් පීඩාවට පත්විය හැකිය. එය ඔබගේ දුර්වලතාවයකි.

ඔබගේ උපන් දිනය යෙදී ඇත්තේ 14 වන දින නම්,
පිරිසක් සමග එකතුවී සහයෝගයෙන් වැඩ කර ඔවුන් සතුටු කිරීමට ඔබ සමත් වේ. ඔබ බොහෝ දේවල් කිරීමේ දක්ෂකමක් ඔබ සතුය. අදහස් ඉදිරිපත් කිරීමේදී ඔබ ඉතා දක්ෂය. එමෙන්ම ක්‍රමානුකූල හොද සංවිධායකයෙකි. ඒකාකාරීව ජීවත් වීමට ඔබ අකමැතිය. වෙනස්වීමට හා සංචාරය කිරීමට ඔබ වැඩි නැඹුරුවක් දක්වයි. ක්‍රම ක්‍රමයෙන් දියුණුවන, ඕනෑම දෙයකට පහසුවෙන් හැඩගැසෙන ඔබ ඉක්මන් තීරණ ගැනීමට පෙළඹෙයි. ඔබ අවංක අයෙක් වන අතර විශ්ලේෂනය කිරීමට විශේෂ හැකියාවක් ඇත. අවිවේකී පරිසරයක ජීවත් වන ඔබ ටිකක් කළබල අයෙකි. නැවන නැවතත් එකම දෙයකට කලබල වන අයෙකි. තම වගකීම් හරි හැටි ඉටුකිරීමට ඔබට අපහසු වේ.

ඔබ උපන්නේ 15 වන දින නම්,
නිරන්තරයෙන්ම තම පවුලේ සාමාජිකයන් සමග ඉතා ශක්තිමක් බැදීමක් පවතී. ඉතා යහපත් දෙමව්පියෙක් හෝ ගුරුවරයෙක් වීමට ඔබට හැකියාව ඇත. ඔබ බොහෝ වගකීම් දැරිය හැකි දක්ෂ අයෙකි. අන්‍යයන් අතර එකමුතුකම පවත්වාගැනීමට ඔබ නිරන්තරයෙන් උත්සාහ ගනී. නිරීක්ෂනය, අධ්‍යයනය හා ගවේශනය කිරීම තුලින් යමක් ඉගෙන ගැනීමට ඔබ යොමු වේ. කලා අංශයේ ඔබට බොහෝ දුර ගමන් කල හැකිය. ඔබ නිර්ලෝභී අයකු ලෙස සැලකේ. නමුත් සමහර අවස්ථා වලදී ටිකක් මුරණ්ඩු චරිතයකි.

16 වන දින උපත ලැබූ ඔබ,
හුදකලාවට කැමති පුද්ගලයෙකි. සාමාන්‍යයෙන් තනිවී වැඩකටයුතු කිරීමට කැමති ඔබ සතුව දැඩි, ස්ථීර, පහසුවෙන් නො‍නැමෙන ආකාරයේ හිතක් ඇත. ඔබ ස්වාධීනව කටයුතු කිරීමට උත්සාහ කරයි. ඔබේ විවේකයෙන් බොහෝ කාලයක් ඔබ වෙන්කරන්නේ කල්පනා කිරීම සදහාය. සමහර අවස්ථාවල තරමක් මුරණ්ඩු ගති ලක්ෂණ පෙන්වන ඔබ දැඩි මතධාරියකු ලෙස සැලකිය හැකිය. මේ හේතුවෙන් ස්ථාවර සම්බන්ධතා පවත්වාගෙන යාම ඔබට අපහසුය. නමුත් බාහිර පුද්ගලයන් හට පෙනෙන්නේ ඔබ නිවසේදී හා සමාජයේ හොද සම්බන්ධතාවක් පවත්වාගෙන යන්නෙකු ලෙසය. තාක්ෂණික අංශය, විද්‍යාත්මක විෂයයන්, ආගමික ගවේෂනය ආදිය ඔබ වඩාත් ප්‍රියකරන අංශයන් වේ. ඔබ ඉතා හැගීම්බර අයෙකි. නමුත් ඒ බව බාහිර පරිසරයට පෙන්වීමට ඔබ කටයුතු කරන්නේ නැත. මේ නිසා ආදරය ප්‍රකාශ කිරීමේදී හෝ ආදරය ලැබීමේදී යම් යම් දුෂ්කරතාවලට පත්වීමට ඔබට සිදුවේ.

ඕනෑම මාසයක 17 වන දිනයේ උපන් ඔබ,
මූල්‍යමය අතින් උපතින්ම වාසනාවන්ත අයෙකි. 17 යනු ව්‍යාපාරවලට ලැදි අයට ඉතාමත් සුභ දිනයකි. ඔබ සාමාන්‍යයෙන් අවංක, ගුණගරුක අයෙකි. වාණිජමය ව්‍යාපාරවලදී සාර්ථකව වාසි ලැබීමට ‍මෙම දිනයේ උපන් අයට හැකියාව ඇත. අතිදක්ෂ සංවිධායකයෙක් මෙන්ම කලමනාකරුවෙකි. විශාල ව්‍යාපෘති පවා පාලනය කල හැකිය. බලාපොරොත්තු සාර්ථක වේ. ආරම්භ කල සියළුම වැඩ අවසාන කරයි. සංවේදීය. නමුත් අපරික්ෂාකාරී වීම නිසා ආදර කටයුතු සම්බන්ධයෙන්දුෂ්කරතා ඇති විය හැකිය.

මාසයේ 18 වන දින උපත ලැබූ ඔබ,
කණ්ඩායමක් ලෙස වැඩ කිරීමට කැමතිය. නමුත් සමහරුන්ගේ අවශ්‍යතාවයන් මත තනිව වැඩ කිරීමට පවා ඉදිරිපත් වේ. මානවවාදී, පරාර්ථකාමී අයෙකි. පාලනය හා සංවිධානය සම්බන්ධයෙන් දක්ෂතාවක් ඇත. පුළුල් දැක්මක් ඇති ඔබ සාධාරණ, ත්‍යාගශීලී, කාරුණික සිතුවිලි වලින් යුක්තය. ඔබ ඔබගේ හැගීම් ප්‍රදර්ශනය කරන අයකු වූවත් සමහර විට ඒවා සගවා තබා ගැනීමට පෙළඹේ.

ඔබ ඉපදුනේ මාසයේ 19 වන දින නම්,
ඔබ මධ්‍යස්ථව සිතන අයෙකි. නමුත් ඔබේ සැලසුම් ඔබට රිසි ආකාරයට සිදු කිරීමට බාධා ඇතිවේ. පුළුල් දැක්මක් ඇත. සංවේදීය. නමුත් හැගීම් සගවා තබාගැනීමට ඔබ පෙළඹේ. ඔබ ඔබේ සමහර ගති ගුණ නිසා සමාජයේ කැපී පෙනෙන අයෙකි. අවවාද පිළිගැනීමට තරමක මැලිකමක් දක්වයි. අත්දැකීම් තුලින් ඉගෙනගැනීමට ඔබ ප්‍රිය කරයි. අසීරු අවස්ථා වලටද මුහුණදීමට සිදුවිය හැකිය. විවාහයෙන් පසුවද ඔබ ඔබේ හැගීම් වෙනස් කර නොගනී. ඉක්මනින් කලබලයට පත්වන ඔබ ලේසියෙන් කෝපයට පත්වේ.

20 වන දිනයේ උපන් ඔබ,
හැගීම්බර, සංවේදී අයෙකි. සමාජශීලී බවින් පොහොසත් ඔබ ඉක්මනින් මිතුරන් ඇති කර ගැනීමට සමත්වේ. පහසුවෙන් උණුවන හිතක් සහිත ඔබ වහා කලබල වන ස්වරූපයක් පෙන්වයි. ආදරය කිරීම සදහා බලාපොරොත්තු වන්නේ තමන්ගේ හැගීම් අවබෝධ කරගැනීමට හැකි පෙම්වතෙක් හෝ පෙම්වතියකි. සමහර විටෙක අධෛර්ය්‍යට පත් වීම හා නොසන්සුන් වීම ඔබගේ දුර්වලතාවයකි. එවැනි අවස්ථාවල මානසිකව බිදවැටීම් වලට ලක් විය හැක. ජීවිතයේ කිහිප විටකම මෙවැනි බිදවැටීම් දක්නට ලැබේ.

ඔබ 21 වන දින උපන්නේ නම්,
ඔබ පහසුවෙන් ශාරීරික හා මානසික බිද වැටීම් වලට ලක්වන අයෙකි. එමෙන්ම අවිවේකීය. පහසුවෙන් රැවටිය හැකි අයකුද වේ. යහපත් සංකල්පනා වලින් යුක්ත ඔබ ලිවීම, කියවීම, ගායනය වැනි අංශ වලට දක්ෂය. සමාජශිලී අයෙකි. ඉතා තියුණු පරිකල්පන ශක්තියක් ඔබ සතු වේ. ඔබගේ සිතුවිලි තර්කාන්විතය. එමෙන්ම ප්‍රායෝගිකය. නමුත් බාහිර ප්‍රශ්න නිසා ඔබේ උනන්දුව අඩු විය හැකිය. ඔබ ඔබේ පවුල හා හිතමිතුරන් අතර ආදරණීය අයෙකි. නමුත් ඉතා සංවේදීය. ජීවිතය පුරා කිහිප විටක් සිදුවන බිදවැටීම් වලින් ජයගැනීමට ඔබ උත්සාහ කල යුතුය.

22 වන දින උපන් ඔබ,
ඔබ සතු වගකීම් ඒ ආකාරයෙන්ම ඉටුකරයි. භාරගත් විශාල වැඩකටයුතු පවා ඒ ආකාරයෙන්ම ඉටු කිරීමට ඔබ සමත්ය. කිරීමට අපහසු දීර්ඝකාලීන වැඩ පවා නිමකරයි. කුඩා කාලයේදී ඔබ මුරණ්ඩු අයෙකු ලෙස සැලකේ. ඔබ ඉතා හොද සංවිධායකයෙකි. චිත ඇදීම සදහාද රුචිකත්වයක් දක්වයි. ආරක්ෂාකාරී, බුද්ධිමත් අයකු වූවත් ඔබ ඉක්මනින් කලබලයට පත් වීමට ඉඩ ඇත.

ඔබගේ උපන් දිනය යෙදී ඇත්තේ 23 වන දින නම්,
පිරිසක් සමග එකතුවී සහයෝගයෙන් වැඩ කර ඔවුන් සතුටු කිරීමට ඔබ සමත් වේ. ඔබ බොහෝ දේවල් කිරීමේ දක්ෂකමක් ඔබ සතුය. අදහස් ඉදිරිපත් කිරීමේදී ඔබ ඉතා දක්ෂය. එමෙන්ම ක්‍රමානුකූල හොද සංවිධායකයෙකි. ඒකාකාරීව ජීවත් වීමට ඔබ අකමැතිය. වෙනස්වීමට හා සංචාරය කිරීමට ඔබ වැඩි නැඹුරුවක් දක්වයි. ක්‍රම ක්‍රමයෙන් දියුණුවන, ඕනෑම දෙයකට පහසුවෙන් හැඩගැසෙන ඔබ ඉක්මන් තීරණ ගැනීමට පෙළඹෙයි. ඔබ අවංක අයෙක් වන අතර විශ්ලේෂනය කිරීමට විශේෂ හැකියාවක් ඇත. අවිවේකී පරිසරයක ජීවත් වන ඔබ ටිකක් කළබල අයෙකි. නැවන නැවතත් එකම දෙයකට කලබල වන අයෙකි. තම වගකීම් හරි හැටි ඉටුකිරීමේදීනම් ඔබට අපහසුතා ඇති වේවි. ඔබ බොහෝ සමාජශීලීය. ඉක්මනින් මිතුරන් ඇති කර ගැනීමට හැකිය. එමෙන්ම ඔබ හොද ගමන් සගයෙකි.

24 වන දා උපන් ඔබ,
වගකීම් දැරීමට දක්ෂය. අන්‍යයන්ට උදව් කිරීම ඔබේ ජීවිතයේ දක්නට ලැබෙන යහපත් ගතිගුණයකි. ඔබ යම් ගැටළුකාරී අවස්ථාවලදී මැදිහත්කරැවකු වී සාමය සලසන අයකු ද වේ. තම පවුල හා මිතුරන් වෙනුවෙන් උපරිමයෙන් කැපවේ. ඔබ පරිපාලනයට හා ආරක්ෂා කරගැනීමට විශේෂ නැඹුරුවක් දක්වයි. සමහර වියටෙ ඔබ හැගීම්බර, සංවේදී අයෙකි. ආදරය කිරීමේදී හෝ ලැබීමේදී ආදරය ඔබට බොහෝ වටිනා දෙයක් ලෙස සලකයි.

ඔබ උපන්නේ මාසයේ 25වන දින නම්,
තාක්ෂණය, විද්‍යාව හෝ සංකීර්ණ විෂයයන් සම්බන්ධයෙන් රුචිකත්වයක් දක්වන අයෙකි. ඔබ සර්වසුභවාදී, සම්ප්‍රදානුකූලව වැඩ කරන අයකු ලෙස දැක්විය හැක. තාර්තික ලෙස, බුද්ධිමත්ව, වගකීම් සහගතව සිතීම ඔබ සතු විශේෂ ලක්ෂණයකි. ඔබේ වින්දනයන්/හැගීම් ඉතා ගැඹුරු නමුත් ඒ බව පෙන්වීමට ඔබ කැමති නැත. ඔබ ඉතා රහසිගත චරිතයකි. සමහර විට දැඩි මතධාරියකු වේ. ඔබ මිතුරන් අතර සැලකෙන්නේ පරික්ෂාකාරී, වැඩි කතා නොමැති නිහඩ චරිතයක් ලෙසය. නිෂ්පාදන කටයුතු වල දක්ෂ ඔබ පිළිබදව අසාධාරණ විසදුම් ගන්නා කෙනෙකු ලෙස පෙනිය හැක.

26 වන දින උපන් ඔබ,
ව්‍යාපාර ලෝකයේ විශාල දියුණුවක් ඇති අයෙකි. ඔබ ජීවත් වන පරිසරය තුලින් ඔබගේ හැකියාවන් වැඩිදියුණු කර ගැනීමට ඔබ සමත්ය. සංවිධානයථ කලමනාකරනය, පාලනය අතින් ඔබ ඉදිරියෙන් සිටියි. ඔබ මුදල් භාවිතයේදී කාර්යක්ෂම අයෙකි. ඔබගේ අධිෂ්ඨානයන් ඉතා ශක්තිමත්ය. ඔබ සාමාන්‍යයෙන් ඕනෑම දෙයකට පහසුවෙන් හැඩ ගැසෙන සහයෝගයෙන් කටයුතු කල හැකි කෙනෙකි. පුළුල් දැක්මක් ඇත. ඔබගේ සිතුවිලි ප්‍රායෝගික මෙන්ම තාත්වික ඒවාය. ද්‍රව්‍යමය අතින් තෘප්තියක් ලැබීමට ඔබ සමත්ය.

27වන දින උපන් ඔබ,
මානවවාදී, පරාර්ථකාමී අයෙකි. මිනිසුන් සමග සුහදව වැඩ කටයුතු කිරීමේ හැකියාව ඔබට උපතින්ම පිහිටා ඇත. නමුත් ඔබේ විවේකයෙන් බොහෝ කාලයක් කල්පනා කිරීම සදහා වෙන්කරයි. පුළුල් දැක්මක් ඇති ඔබ සාධාරණ, ත්‍යාගශීලී, සහයෝගයෙන් වැඩ කිරීමට කැමති අයෙකි. එම නිසා බොහෝ මිතුරන් ඇති කර ගැනීමට ඔබට හැකිය.

28 වන දින උපන් ඔබ,
ස්වාධීනව හිතන අයෙකි. ඔබ කුඩා කල සිටම නායකත්ව ගති ලක්ෂණ පෙන්වයි. බොහෝ විට ඔබ ගන්නා තීරණ නිවැරදිය. පටන්ගත් සියළු දේ අවසාන කිරීමට ඔබ අසමත්ය. නමුත් ඔබේ සැලසුම් සාර්ථක වේ. සංවේදී අයකු වුවත් ඔබ ඔබගේ හැගීම් යටපත් කරගනී. විවිධ අවස්ථාවලදී නායකත්වයට පත්වීමේ ප්‍රවනතාවක් ඇත.

ඔබ උපන්නේ 29වන දින නම්,
ඔබ පරමදර්ශනවාදියකු ලෙස සැලකේ. නිර්මාණශීලීය. නමුත් ව්‍යාපාර කටයුතු වලට අදක්ෂය. පරීක්ෂාකාරී සංවේදී අයකු වේ. නමුත් විශ්ලේෂී හැකියාව අතින් දුර්වලය. වහා කළබල වන අයෙකි. සමහර විටෙක අකාර්‍යක්ෂම අයෙකු ද වේ.

ඔබ ඉපදුනේ 30 වැනිදා නම්,
ඔබ ඔබේ සතුට වෙනුවෙන් තම අදහස් පාලනය කර ගැනීමට යොමුවේ. නිර්මාණශීලී අයකු වන ඔබ ලේඛණය සදහා විශේෂ දක්ෂතාවක් දක්වයි. නිරවුල් පිරිසිදු අදහස් ඇත. ඔබ සහජ විකටයකු හෝ රංගන ශිල්පියකු වීමට ඉඩ ඇත. ඔබට සාර්ථක ලේඛකයකු හෝ පිටපත් රචකයකු වීමට භාග්‍යය ඇත. ශක්තිමත් අදහස් වලින් යුක්ත ඔබ නිතරම සාධාරණ පැත්ත ගැනීමට යොමුවේ.

ඔබ උපන්නේ මාසයේ 31 වැනිදා ද?
හොද කලමනාකරන හා සංවිධානාත්මක හැකියාවක් ඔබ සතුවේ. ව්‍යාපාර කටයුතු සම්බන්ධයෙන් ඉහල දියුණුවක් ලැබිය හැකිය. දැඩි කැපවීමකින් වැඩ කරන ඔබ ඉවසීමට සමත් අයෙක් නිසා ඒ මගින් දියුණු වීමට අවස්ථාව ඇත. ප්‍රකෘතිමත් අයෙක් ලෙස සැලකුනද සමහර විටෙක දැඩි තීරණ ගන්නා, මුරණ්ඩු අයෙක් ලෙසද සැලකිය හැකිය. සමහර විටෙක සංවේදීය. නමුත් තම හැගීම් පාලනය කිරීමට ඔබ පෙළඹේ. බොහෝ විට ඔබ ගන්නා තීරණ නිවැරදි වන නමුත් සමහර දේ නිසා ඔබේ උනන්දුව හීන කරගැනීමට යොමුවේ. ප්‍රායෝගිකව සිතා යමක් සිදු කරන අයෙකි. සංචාරයට කැමති ඔබ තනිවී ජීවත්වීමට අකමැතිය. ඉක්මනින් විවාහයට යොමුවේ. වගකීම් දැරීමට හැකි අයෙක් වන නිසා දියුණුවට පත් විය හැකිය.

Source  : Ways to Boost Your Brain Power by Brainy Reads
From Elakiri website.

මෙය යාළුවන් සමගත් බෙදා ගන්න ගමන් ඔබේ කාලයෙන් මොහොතක් ගතකොට අපේ පේජ් එකට ලයික් එකක් දමන්නත් කාරුණික වන්න
Page - http://www.facebook.com/JeewithayaSundarai

Sinhala reads

මා අසා ඇති මවු ගුණ ගීත වලින් මා හදවතේ වඩාත් රැඳී ඇති එකම ගීය ලියා ඇති මිනිසා කවුරුන්ද කියා සොයා ගන්නා විටත්, ඔහු මෙලොව හැර දා ගොස් දශකයකටත් වැඩිය...
කොටින්ම ඔහු මිය ගොස් ඇත්තේ මා උපදින්නට වසර එකහමාරකටත් පෙරය...
නමුදු, තවමත් ඒ ගීය මා කුඩා කල ඇසුවාටත් වඩා නැවුම්ය....අර්ථවත්ය ....
"ආදරයේ උල්පත වූ අම්මා"
අන්න ඒ සොදුරු හද රැඳී ගීතයි...
එහි මා වඩාත් ප්‍රිය කරනුයේ
"ඔබ මතු බුදු වන දිනයේ..මා රාහුල කුමරුන් සේ...සෙවන පතා අද මෙන් පැමිණෙන්නෙමි... සුළඟිල්ලේ එල්ලී" යන පද පේලි වලටය...
කිමද එය මා හට මගේ අම්මා පිලිබඳ ඇති විශාලතම පැතුම දනවන නිසාවෙනි...
එමෙන්ම මගේ අම්මා මට දුන් ගුණවත් කම් කියා දෙන පද පෙලියක්ද එම ගියේහිම ඇත..එනම් "සඳ දිය කොට කිරි වතුරෙන්... ඒ දියරෙන් මුව දෝවා"
මිනිසෙකුගේ සංවේදීකම රැදෙනුයේ හුදෙක්ම මවගේ සෙනෙහසෙනි....එය කදිමට දනවන සංවේදී මිනිසෙකු සිංහල ගේය පද සාහිත්‍ය කරුවන් තුල සොයා බැලුවහොත් හුමවන
හොදම උදාහරණය ඔහුය....ඒ කවරෙකුවත් නොවේ ප්‍රේමකීර්ති ද අල්විස් ය......
මිනිසෙකු හදවතට ලං වීමට ඔහු ජිවත් වී සිටීම අනවශ්‍ය බව මා හදුනා ගත්තේ ඔහු ලියු ගීත ඇසීමෙනි,වින්දිමෙනි.....
තවද තුවක්කු උණ්ඩයකට මිනිසෙකුගේ සංවේදීකම පසාරු කරගෙන විනිවිද යා නොහැකි බව ප්‍රථමයෙන්ම දැන ගත්තේ,දිනෙක මගේ මවගෙන් ඔහුගේ මරණය පිලිබඳ තතු විමසු විටය ...

- මුතුමුදලිගේ එමාෂි-

Source  : Ways to Boost Your Brain Power by Brainy Reads

මෙය යාළුවන් සමගත් බෙදා ගන්න ගමන් ඔබේ කාලයෙන් මොහොතක් ගතකොට අපේ පේජ් එකට ලයික් එකක් දමන්නත් කාරුණික වන්න
Page - http://www.facebook.com/JeewithayaSundarai

නන්දා මාලිනිය

දන්නා නන්දා මාලිනිය ගැන නොදන්නා දෙයක්....

බෞද්ධ කොඩියට වසර එකසිය විසිපහක් පිරීම නිමිත්තෙන් සැමරුම් උළෙල පැවැත්වූයේ කොටහේන දීපදුත්තාරාමයේදී ය.

අගමැතිවරයා ප්‍රමුඛ සම්භාවනීය අමුත්තෝ උත්සවයේ ආරාධිතයෝය. මේ පිරිස අතර ශ්වේත වර්ණ සාරියක් ඇඳගෙන හුන් කාන්තාවගේ රුව කොටහේනේ ගම්මුන්ට හොඳට හුරු පුරුදුය. ඈ නන්දා මාලිනීය. වාරය පැමිණි විට ඇය වේදිකාවට ගොඩ වී මයික්‍රෆෝනය අතට ගත්තේ මුව පුරා සිනාවක් තවරා ගෙනය. බොහෝ දෙනෙක් සිතුවේ ඈ බොදු ගීතයක් ගයනු ඇති බවය. එනමුත් බොදු ගීතයට පෙර ඈ සිය ජීවන ගීතය මෙසේ ගැයුවාය.

කොටහේනේ හැට දෙකේ වත්ත මගේ ගම. උප්පත්තියෙන්ම මට උරුම වෙලා තිබුණේ දුප්පත්කම විතරයි. මගේ තාත්තා කෝට් බාසුන්නැහේ කෙනෙක්. පුංචි කා‍ලේ අපට කන්න අඳින්න නැති වුණාම දීපදුත්තමාරාමයේ නායක හාමුදුරුවෝ අපට උදව් කළ හැටි මට කවදාවත් අමතක වෙන්නේ නෑ.

මේ කතාව අසාගෙන් හුන් අගමැතිවරයා කම්මු‍ලේ අත තියා ගත්තේය. සම්භාවනීය අමුත්තෝ මුව නොපියා නන්දා මාලිනිය දෙස බැලුවේ විශ්මයෙනි. ගී ලොව මිණි කිරුළ දරා සිටින ඈ මුඩුක්කුවක උපත ලැබුවායි අසන්නට ලැබිම ඔවුන් විශ්මයට පත් කැරන්නට ඇත. හැරත් ඒ කතාව නොබියව කීමට තරම් නන්දා මාලිනියට මේ සා ආත්ම ශක්තියක් නිහතමානීකමත් ලැබුණේ කොහොමදැයි අමුත්තෝ කල්පනා කරන්නට ඇත.

අපේ කල්පනාවේ හැටියට නන්දා මාලිනියගේ මධුර ස්වරයෙන් ගයන ගී අසා තිබුණද ඇගේ ජීවන ගීතය ඔබ නොඅසන්නට ඇත. මේ කතාව හරියට හින්දි චිත්‍රපටයක් මෙනි. එනමුත් අපේ වීරවරියගේ කතාවේ සත්‍ය පිටපතයි මේ.

මිරිහාන ආරචිචිගේ නන්දා මාලිනි පෙරේරා මෙලොව එළිය දුටුවේ රිදී හැන්ද මුව දරාගෙන නොවේ. එක්දහස් නවසිය හතළිස් තුනේ අගෝස්තු විසිතුන් වැනිදා ඈ උපන්නේ අන්ත දරිද්‍රතාවකින් පෙළුණු පවුලකය.
නව දෙනකුගෙන් යුත් පවුලක ඈ සිව්වැනි දරුවා වූවාය. නන්දාගේ මව ලියනගේ එමලින්ය. පියා වින්සන්ට් පෙරේරාය. ඔහු සන්නාලියෙකි. පනහ දශකයේ ලංකාවේ සුප්‍රකට නිමි ඇඳුම් කම්හලක් වූ හයිඩ්‍රමනි සමාගමේ ඔහු රැකියාව කළේය. නිවාඩු පාඩුවට අමතර ආදායම් උපයා ගැනීමට වින්සන්ට් පෙරේරා ගෙදරද ඇඳුම් මසා කොටහේනේ වතුවල හුන් අයට වික්කේය. මේ නයින් ඔහු 'කොටහේනේ කෝට් බාසුන්නැහේ' ලෙස ප්‍රසිද්ධියට පත්වූයේය.

ඒ කා‍ලේ තාත්තා මහන ඇඳුම් වත්තේ ගෙවල් ගානේ ගිහින් විකුණුවේ මම. මේ ඇඳුමේ බකල් හයියයි. බොත්තම් හොඳයි. ලස්සනට මහලා තියනවා කියලා කියමින් මම ඇඳුම් වික්කා. ඇඳුම් මල්ල කරතියාගෙන යන මාව ඒ කා‍ලේ ගමේ ගෙවල් ඇතුළටවත් ගත්තේ නෑ. දොරකඩ ළඟ ඉන්න කියලා හෙට්ටු කර කර බොහෝ අඩු මුදලකට ඇඳුම් ඉල්ලනවා. ජීවත් වෙන්න ක්‍රමයක් නැති නිසා ඔවුන් ඉල්ලන ගණනටම ඇඳුම් දෙන්න සිද්ධ වුණා. ඒ මුදලත් මට ලැබුණේ එක සැරේ නෙවේ. මම දෙතුන් වතාවක් ගිහින් පින්සෙණ්ඩු වුණාමයි සල්ලි ලැබුණේ. එදා මට එහෙම මදිපුංචිකම් කරපු අය අද මම දැක්කාම කටපුරා හිනාවෙලා ගේ ඇතුළට එන්න කියලා දොරවල් ඇරගෙන බලා ඉන්නවා. මට ඒ ගැන තරහක් හෝ කම්පාවක් නෑ. ජීවිතේ කියන්නේ දුක සැප දෙකටමයි. මම දැන් ප්‍රසිද්ධ නිසා මේ අය මට ගරු සත්කාර කළත් මම නම් එදා සිටි නන්දා මාලිනීමයි නිහතමානීකමෙන් කිරුළු පළන් සිටින මේ මහා ගායිකාව කියන්නේ තනතුරු තිබුණද නැතිවුණද ජීවත් වීමේ කලාව උපේක්ෂා පාරමිතාව පිරීම බව පසක් කැරමිනි.

කුකුළු කොටුවක් මෙන් ඉඩ නැති නන්දා මාලිනිලාගේ ගේපැ‍ලේ තිබුණේ එක කාමරයකි. ආලින්දය, සාලය, කුස්සිය යන මේ කියන කෝකටත් තිබුණේ එක බිමකි. ගෙදර තිබූ එකම ඇඳ වෙන්කැර තිබුණේ දහඩිය කඳුළු වගුරා දරුවන් උස් මහත් කිරීමට මහන මැෂිම පාගා ගෙදරට එන තාත්තා වෙනුවෙනි. නන්දා පැදුර රැගෙන නිදන්නට යන්නේ සාලයේ මේසය යටටය. ඒ හැංගි මුත්තන් සෙල්ලම් කිරීමට නොවේ. මේසය යටට නොගියොත් නිදා ගැනීමට ඒ නිවසේ වෙන ඉඩක් නැති නිසාය.

පුංචි කාලයේ සිටම නන්දා මාලිනිට තාත්තා ගැන තිබුණේ මහා භක්තියකි. ඒ ගෙදර බුදුන් වූයේ තාත්තාය. බුදුන් හැර නන්දා මාලිනිය වන්දනාමාන කැරෙන තවත් චරිතයක් මෙලොව වෙතොත් ඒ ඇගේ තාත්තාය. නන්දා මාලනියට සංගීතය කියා දුන් බොහෝ ගුරුවරු හුන්නද ඈට ජීවිතයේ රිද්මය කියා දුන් මහා ගාන්ධර්වයා තාත්තාය.

'මගේ පරමාදර්ශය තාත්තා අප ජීවත් කරවන්න ඔහු ගත් උත්සාහය කිසි දෙයකට සම කරන්න බෑ. ඔහු පුදුමාකාර ධෛර්යවන්ත මනුෂ්‍යයෙක්. ඒ කා‍ලේ තාත්තාට ලැබුණේ සතියේ පඩිය. ඔහු ඒ මුදල අතට ගත්තාම මුළු සතියම ජීවත් වෙන්නේ කොහොමද කියලා සැලසුම් කර අරපරිස්සමට වියදම් කරනවා. මට මේ සා දුර ගමනක් ඒමේදී තාත්තාගේ දිවියෙන් ලැබුණු පාඩම් අනන්තයි. අප්‍රමාණයි' ඈ කියන්නීය.

තාත්තා දුක්මහන්සියෙන් හම්බ කැර ගත් කාසි පනම් බොහෝ අරපරිස්සමෙන් වියදම් කිරීමට නන්දා මාලිනී වගබලා ගත්තාය. එකල ගෙදරට අවැසි හාල් තුනපහේ, එළවළු, කරවල ගෙනෙන්නේ තොටළඟ ‍පොළෙනි. පැටි වයසේ හුන් ඈ මව හෝ වැඩිමහලු සොයුරියක සමග ‍පොළට යන්නීය. කොටහේනේ අතුරු පාරවල්, වැටකඩුලු අතරින් ඇති කෙටි පාරකින් ඈ යන්නේ පාද යාත්‍රාවෙනි. ලාබෙට තිබෙන එළවළු දෙක තුනක් මල්ලට දමා ගන්නා ඕ ගෙදර යන ගමන් ග්‍රෑන්ඩ්පාස් මහ වගුරේ (වර්තමාන සුගතදාස ක්‍රීඩාංගණය පිහිටි බිම) හොඳට වැවී තිබෙන පළා නෙලන්නීය.

පෙරේරා පවු‍ලේ සියලු සාමාජිකයන්ගේ බඩට කෑමක් වැටෙන්නේ රාත්‍රී වේ‍ලේදීය. අම්මා කෑම පිස අහවර වූ විට බෙදීමේ වැඩේ පැවරෙන්නේ ලොකු අක්කාටය. පිඟන් ටික එකට තබා ඕ සම සේ බත් හා වෑංජන බෙදන්නීය. බඩ පිරුණත් නැතත් ලැබුණු බත් හැන්ද සියල්ලෝම කා සැණහුනේ වැඩිපුර ඉල්ලුවාට දෙන්නට මුට්ටියේ දංකුඩවත් නැති බව දන්නා නිසාය.

අපි සරල ජීවිතයකට හුරු හුනේ නැතිබැරිකම නිසා. කෑවේ එක වේලයි. අඳින්න මහ ලොකු ඇඳුම් ගොඩක් තිබුණේ නෑ. හැබැයි තියන ඇඳුම පිරිසිදුවට මැදලා පිළිවෙළකට ඇන්දා. අද වුණත් මට මහ ලොකු ඇඳුම් තොගයක් නෑ. මගේ ජීවිතය හරිම චාම් සරලයි. ඈ කීවාය.

පන්සලට ගියද, මළ ගමට ගියද, රජ ගෙදරට ගියද, සිනමා සම්මාන රාත්‍රියකට ගියද ඈ අඳින්නේ ශ්වේත වර්ණ සාරියයි. නන්දා මාලිනිය ශ්වේත වර්ණයෙන් පමණක් සැරසීමට පටන්ගෙන දැන් තිස් අවුරුද්දක් ගෙවිලාය. කොටහේනේ මුඩුක්කුවේ හුන් අසල්වැසියාටද මහේශාඛ්‍ය රජ මැදුරේ හුන් ජනාධිපතිවරයාටද දක්වන සැලකිල්‍ලේ උස් මිටිකම් ඈට නැත. තරාතිරම කුමක් වුවද කොයි කාටත් ඇගේ නිරහංකාර සිනාව කොයි කාටත් සමානය. ලක්ෂ ගණන් වටිනා සාරිද රන් රිදී මුතු මැණික් පිරුණු අභරින් සැරසුණු ගායිකාවන් නානා විදි කොණ්ඩා මෝස්තරවලින් සැරසෙන විට නන්දා මාලිනිය කොහේ ගියද යන්නේ කොණ්ඩය තනි කරලට ගොතා ගෙනය. ඈ කොණ්ඩයට මෝස්තරයක් දමා ඇත්තේ නම් ඒ විවාහ වූ දිනයේ පමණි.

මධුර මනෝහර සිය ස්වරයෙන් මුළු රටක් මෝහනයට පත් කළ ඇය මේ සා නිහතමානී වූයේ කෙසේද?
'මම කවදාවත් මුල අමතක කළේ නෑ. අමතක කරන්නෙත් නෑ. දුප්පත්කම මම මගේ ගමනට ආශිර්වාදයක් කර ගත්තා මිසක් ලැජ්ජාවට පත්වන කාරණාවක් ලෙස හිතුවේ නෑ ඈ කියන්නීය.

නන්දා මාලිනි අකුරු කරන්නට ගියේ ගෙදර පෙනෙන තෙක් මානයේ පිහිටි කොටහේනේ ගුණානන්ද විදුහලටය. ඒ පාසල නම් කැර ඇත්තේ මිගෙට්ටුවත්තේ ගුණානන්ද හිමි නමටය. උන්වහන්සේ එකල වැඩ හුන්නේ කොටහේනේ දීපදුත්තමාරාමයේය. බෞද්ධ කොඩිය මුල් වරට එයැවුණේද ඒ බිමේය. ගුණානන්ද විදුහ‍ලේ ඉගෙන ගත් නන්දා සපත්තු නොපැළඳුවාය. දරුවන්ට සපත්තු ජෝඩුවක් මිලදී ගන්නට කෝට් බාසුන්නැහේට කාසි නැතිය. ඒ බව දන්නා ඈ තාත්තාගෙන් කවදාවත් සල්ලි නොඉල්ලුවාය. නානා මාදිලියේ වළලු, මාල, අරුංගල් විකුණන්නට වත්තට එන වෙළෙඳුන් දෙස ඈ නොබැලුවාය. අයිස්පලම්, කඩචෝරු, බූන්දි ගැන නොසිතුවාය. 'තාත්තාට කාසි තිබෙනවා නම් අපට අරන් දෙනවනේ' යැයි ඕ කල්පනා කළාය. සල්ලි නැතිනම් කෝට් බාසුන්නැහේ දරුවන්ට ඒ බව කියයි. එසේ නොමැතිව ඒවා කන්න හොඳ නෑ යනුවෙන් බේගල් නොකියයි. තාත්තාගේ මේ ක්‍රියාවෙන් ඈ ජීවිතයට පාඩමක් ඉගෙන ගත්තා. ඒ ඇත්ත ඇති සැටියෙන් කීමටය.

නාන්දා මාලිනී පාසල් යන විට මිරිවැඩි සඟල ලෙස දැම්මේ 'කට්ට සෙරෙප්පු' ජෝඩුවකි. ලීයෙන් නිම කැර ඇති මේ සෙරෙප්පු විවිධ වර්ණයෙන් පාට කැර තිබේ. මිල සත තිහකි. 'කට්ටා සෙරෙප්පු' දමා ඇවිදින විට දුර තියාම ඈ එන විට 'ටකස් ටකස්' ශබ්දය ඇසේ. මේ නයින් පාසල් ළමෝ නන්දාට 'කට්ටයා' යනුවෙන් නම් පට බැන්දහ. ඈ ඒ ගැන කම්පා නොවූවාය.

මෙකල 'කට්ටයාගේ' කටහඬ පිළිබඳ මාග්‍රර්ට් පෙරේරා පන්ති භාර ගුරුතුමිය අවධානයෙන් හුන්නාය. සතියකට වරක් හැම බදාදාවකම පැවැත්වෙන සමිතියේ ගී කවි කියන නන්දා මාලිනී 'හැදෙන ගහ දෙපෙත්තෙන් පෙනෙන' බව පසක් කළාය.

හය වැනි පන්තියේ අකුරු කරන නන්දා දීප්තිමත් අනාගතයකට උරුමකම් කියන බව අවබෝධ කැර ගෙන හුන් මාග්‍රර්ට් පෙරේරා ගුරුතුමිය ඈ කැටුව රේඩියෝ සිලෝන් හි (වර්තමාන ශ්‍රී ලංකා ගුවන් විදුලි සංස්ථාව) සරස්වතී මණ්ඩපයට ගියාය. ඒ වැඩසටහන මෙහෙය වූවෝ කරුණාරත්න අබේසේකර හා සරත් විමලවීරය. බොහෝ කාලයක් යනතුරු නන්දාට සිද්ධ වූයේ අනුන් කියන ගීවලට අත්වැල් දෙන්නටය. එනමුත් ඕ ඒ ගැන කල්පනා නොකළාය. 'මම කොහොම හරි තනියම සිංදුවක් කියනවා' ඈ අදිටන් කැර ගත්තාය. නන්දා මුලින්ම ගැයූ ගීතය ලීවේ අශෝක කොළඹගේය. සංගීතය ඩී.ඩී. ඩැනීගෙනි. 'බුදු සාධු බුදු සාධු මම සඳුන් ගසක් වෙන්නම්. සමන් වැළක් වෙන්නම්.....'.

නන්දාගේ මිහිරි කටහඬ වෑයර්ලසයෙන් මුළු රටටම ඇසුණි. ගොඩෙහි තිබුණත් මඩෙහි තිබුණත් මැණික මැණිකමය. එහි වටිනාකමේ අඩුවක් නැත්තේය.

මෙකල රේඩියෝ සිලෝනි හි 'සුපර් ස්ටාර්' ගීත තරගයක් තිබුණි. එය නම් කැර තිබුණේ 'එයාර් ශිප් ගීත තරගය' යනුවෙනි. ජයග්‍රාහකයාට ලැබෙන්නේ බොම්බායට යාමට ගුවන් ප්‍රවේශපත්‍රයකි. ආරියසේන මිල්ලවිතානාචිචි නිෂ්පාදනය කළ එයාර් ශිප් ගීත තරගයේ නිවේදකයා ‍ප්‍රොස්පර් ප්‍රනාන්දුය. මේ තරගයේ 'සුපර් ස්ටාර්' වූයේ නන්දා මාලිනීය. දෙවැනියා වික්ටර් රත්නායකය. බොම්බායට යාමට ගුවන් ප්‍රවේශ පත්‍රය ලැබුණු විට නන්දා කල්පනා කළේ නිකරුණේ රට යනවාට වඩා ඒ මුදලෙන් ගෙදරට යමක් කැර ගන්නට මගක් ගැනය. ඈ පියා සමග ගුවන් ප්‍රවේශ පත්‍ර සමාගමට ගියාය. එහි හුන් ලොකු මහත්තයකු හමු වී නන්දා මෙසේ කීවාය.

Source  : Ways to Boost Your Brain Power by Brainy Reads

'සර් අපි හරිම දුප්පත්. ඉන්දියාවට ගිහින් අපට තේරුමක් නෑ. මේ ටිකට් එකේ සල්ලි දෙනවා නම් අපට හරිම වටිනවා'

මේ ‍පොඩි කෙල්ලගේ ආයාචනය ඇසූ ඔවුන්ගේ හද උණුවිය. ඔවුහු ඈට ප්‍රවේශ පත්‍රයේ මුදල දුන්හ. සල්ලි ලැබුණු ඈට රටක් රාජ්‍යයක් දිනුවාක් මෙන් සතුටක් දැනුණි. ඒ සමග කලක් හිතේ තියාගෙන තිබූ කාරණාවක් මතක් විය.

'තාත්තේ අපි බොමු රස සරුවත් දෙකක්' නන්දා කීවාය.

ඈ ඊළඟට කල්පනා කළේ මේ මුදලින් කැරෙන දේ ගැනය. 'තාත්තා ‍පොල්කටු අඟුරු ඉස්තිරික්කයෙන් ඇඳුම් මදින්නේ පුදුමාකාර දුකක් විඳලා. මම තාත්තාට විදුලි ඉස්තිරික්කයක් අරන් දෙනවා' නන්දා තාත්තාට කීවාය.
'විදුලි ඉස්තිරික්ක ගහන්න ගෙදර ලයිට් තියනවාද ළමයෝ' තාත්තා ඇසුවේ ඇගේ හිස පිරිමදිමිනි. 'එහෙනම් අපි ලයිටුත් ගනිමු' ඈ යෝජනා කළාය. අතට ලැබුණු මුදලින් ගෙදරට විදුලියත් විදුලි ඉස්තිරික්කයත් ගත් නන්දා ඉතිරි වූ මුදලද වෙන් කළේ තාත්තාට උණු වතුර බෝතලයක් මිලදී ගන්නටය.

'රෑ වෙනකම් තාත්තා ඇඳුම් මහන නිසා තේකක් හදලා දාලා තියන්න පුළුවන්' ඕ මවට කීවාය.
නන්දා මාලිනිගේ ජීවිතයේ හැරවුම් ලක්ෂය සිද්ධ වූයේ එක්දහස් නවසිය හැට දෙකේදීය. ඒ 'රන්මුතු දූව' චිත්‍රපටයේ පසුබිම් ගීතයට තෝරා ගැනීම නිසාය. ඒ චිත්‍රපටයේ සංගීත අධ්‍යක්ෂණය කළ පණ්ඩිත් ඩබ්ලිව්.ඩී. අමරදේව නන්දා මාලිනීව තෝරා ගත්තේය. 'ගලන ගඟකි ජීවිතේ' ගීතය කීමට නන්දා මයික්‍රෆෝනය ළඟටවත් උස නැති නිසා සංගීතය පටිගත කළ මර්වින් රුද්‍රගෝ ඈට ලී පෙට්ටියක් ගෙනැවිත් දුන්නේය. පෙට්ටිය උඩ නැග කියූ ගීතයට ඈට සරසවි සම්මාන උළෙ‍ලේදී හොඳම ගායිකාව ලෙස සම්මානයට පාත්‍ර වූවාය. එතැන් සිට ඈට සම්මාන ලැබුණේ ගඟ ගලන්නාක් මෙනි. ජනපති සම්මාන, සරසවි සම්මාන දුසිම් ගණන් පමණක් නොවැ ගත වූ සිව් අවුරුද්දේම පිටපිටම ජනතා සම්මානයට පාත්‍ර වූ ගායිකාව ඇයයි.
බලයට පත් වූ රාජ්‍ය නායකයෝ තමන්ට නැති වංශයක් මවා පාන්නට ඉතිහාසය අලුතෙන් ලියන රටක මුඩුක්කුවක උපන් නන්දා මාලිනිය මේ කියන කතාව බොහෝ දෙනාගේ ඇස් ඇරෙනු ඇත.

'මනුෂ්‍යයකු පීඩාවට පත් කිරීම හේතුවෙන් ලබන වේදනාව පුංචි කා‍ලේ මම හොඳට ලැබුවා. මම ජීවිතේ පන්නරය ලැබුණේ දුප්පත්කමින්. අතීතය අමතක කරන කිසිම කෙනෙකුට අනාගතයක් නෑ. අපි වැරදි වැඩ කරන්නේ නැතිනම් ඇත්ත කියන්න බය වෙන්න ඕනේ නෑ. කොටහේනේ මුඩුක්කුවක ඉපදුණු මම මේ තරම් දුර ආ ගමන ගැන කල්පනා කරන කොට දැනෙන්නේ ලොකු සතුටක්. මට මේ තරම් දුර ගමනක් යන්න ලැබුණේ උත්සාහය හා කැප කිරීම නිසා. මගේ තාත්තාගෙන් ලැබුණු නිවැරදි මගපෙන්වීම නිසයි.
අද සල්ලි තිබුණා කියලා මගේ ජීවිතේ ලොකු වෙනසක් වෙලා නෑ. මම මගේ දුවලා දෙන්නා පාසල් යැව්වෙත් පයින්. ගෙදර වාහන තිබුණත් අපි ළමයි හැදිය යුත්තේ ‍පොළොවේ පය ගහලා ජීවත් වෙන්න ඕන විදියට.
මම ඉපදුණේ මුඩුක්කුවක. මගේ තාත්තා කෝට් බාසුන්නැහේ කෙනෙක් කියන එක මට ආඩම්බරයක් මිසක් ලැජ්ජාවක් නොවේ' නන්දා මාලිනී කියන්නීය.

මීට සති කීපයකට ඉහතදී ඈ පන්නල මාස් ඇඟලුම් කම්හ‍ලේ උත්සවයකට ගියේ ප්‍රධාන අමුත්තිය ලෙසය. ගීතයෙන් තරුණ සිත් සුවපත් කළ මේ මහා ගායිකාව ගැන සිත පැහැදුණු තරුණියෝ ඇගේ කටහඬ ඇසීමට මහත් සේ ප්‍රිය කළෝය.

නන්දා මාලිනිය සිය ජීවන ගීතය ගැයුවාය. 'ගාමන්ට් එකක වැඩ කරන එක ලැජ්ජාවකට කාරණාවක් නොවේ දුවේ. මගේ තාත්තත් කෝට් බසුන්නැහේ කෙනෙක්' ඈ කීවාය. තරුණියෝ ඒ කතාව අසා අලුත් හුස්මක් ගත්හ. මහා ආත්ම ශක්තියක් තම සිරුරට ඇතුළු වෙනවාක් මෙන් ඔවුනට දැනුණි.

නන්දා මාලිනී අද හෙළයේ මහා ගායිකාවකි. ඇගේ මධුර ස්වරයෙන් ගැයෙන ගී මිනිසුන්ගේ සිත් සුවපත් කැරෙන දිව ඔසුවක් වැනිය. ජීවිතය වූ කලී රෝසමල් ඇතිරූ මාවතක් දිගේ වැටී ඇති මාවතක් නොවේ යැයි පසක් කැරෙන ඇගේ ජීවන ගීතය ජීවිතය ජය ගන්නට වෙර දරන ඔබට පරමාදර්ශී කතාවකි. ඒ ලෝකයටම ඇතේතේ එක නන්දා මාලිනියක් වීම නිසාය.

මිහිරි ෆොන්සේකා විසින් 2012 ජනවාරි 12 වෙනි බ්‍රහස්පතින්දා ලක්බිම පුවත්පතට ලියන ලද ලිපියක් ඇසුරෙනි.

උපුටාගැනීම අරුණැල්ල බ්ලොග් අඩවියෙන්


මෙය යාළුවන් සමගත් බෙදා ගන්න ගමන් ඔබේ කාලයෙන් මොහොතක් ගතකොට අපේ පේජ් එකට ලයික් එකක් දමන්නත් කාරුණික වන්න
Page - http://www.facebook.com/JeewithayaSundarai

ක්‍රිස්ටිනා පෙරී යනු අද ලොව ජනප්‍රිය ගායිකාවකි.. ජා ඔෆ් හාර්ට් (jar of hearts), තවුසන්ඩ් ඉයර්ස්(thousand years ) වැනි ගීත තුලින් ලොව ප්‍රේක්ශක අවදානය දිනා තිබෙන ඇය දක්‍ෂ ගායිකාවක් වගේම විශිෂ්ට ගීත රචනා කරන්නියක්. රූසපුවෙන් හා දක්‍ෂතාවයෙන් අගතැන්පත් ඇය මාධ්‍ය හමුවේ ඇය රචනා කල විශේෂ ගීතයක් ගැන සදහන් කලා. ගීතයේ නම ඩිස්ටන්ස්(Distance) ඇය එය ලියා ඇත්තේ ඩේවිඩ් හොජස් (David Hodges) කියන ගීත රචකයත් සමග එකතු වී. "මා ඒක ලිව්වේ අපි ආදරය කරන නමුත් එය කියාගන්න බැරි අය වෙනුවෙන්. එය මගේ ජීවිත අත්දැකීමක්. 2010 ගිම්හාන කාලයේදී මම කෙනක් සමග ආදරෙන් බැඳුනා. අපි බොහොම සමීපව වැඩ කරපු දෙන්නෙක්. නමුත් මම ඔහුට වැඩිය කැමති නැහැ වගේ තමයි හැසිරුනේ. ඒක ඇත්තටම අමාරු දෙයක් වුනා. මොකද මම බොරු කරන්න දක්‍ෂ නැති නිසා(සිනාසෙමින්)..ඉතින් මේ ගීතය ලිව්වේ මගේ හැගීම සහ මගේ හිතේ තියෙන ආතතිය සහ එය අඩු කරගැනීමට මා දරන උත්සහය ගැනයි. මම එයාට ආදරෙයි කියනවා වෙනුවට ගීතයක් රචනාකලා. ඇය ගීතය ගැන ඇගේ වචන වලින් සදහන් කලේ ඒආකාරයටයි. ඉතින් බලන්න ආදරය හා එය පැවසීමට ඇති ලැජ්ජාශීලී බව මිල මුදල් හෝ රූපය හෝ ජනප්‍රියත්වය මත රැදෙන්නේ නැති හැටි. අපි අතරෙත් කීදෙනෙක් එහෙම කියාගන්න බැරුව ඉන්නව ඇද්ද.. කොටින්ම මේක ලියන මම පවා.. Source  : Ways to Boost Your Brain Power by Brainy Reads.

Chamidu Omega Creation

මෙය යාළුවන් සමගත් බෙදා ගන්න ගමන් ඔබේ කාලයෙන් මොහොතක් ගතකොට අපේ පේජ් එකට ලයික් එකක් දමන්නත් කාරුණික වන්න
 Page - http://www.facebook.com/​JeewithayaSundarai 

කපටි රජෙක් හා බැබිලෝනියානු එල්ලෙන උයන

කපටි රජෙක් හා බැබිලෝනියානු එල්ලෙන උයන

ක්‍රිස්තු පූර්ව 650 ගණන් වල බැබිලෝනියාවේ රජකමට පත් වෙනවා නෙබුකත්නසාර් කියලා රජ කෙනෙක්. රජෙක් කියලා කිව්වට නෙබුකත්නසාර් කියන්නේ අධිරා‍ජ්‍යයෙක් කියලා හැඳින්වුවාට වරදක් නෑ... ඉතිහාසය උනත් සාක්ෂි දරන්නේ යුද්ධ කරන්ඩ දස්කම් තියෙන රජෙක් හැටියට !!!

දවසක් මේ රජතුමාට හිතෙනවා තමන්ගේ බැබිලෝනියා රාජ්‍යයට උතුරින් තියෙන 'මෙඩ්ස්' (Medes) කියන රාජ්‍යය අල්ල ගන්ඩ.මෙඩ්ස් කියන රාජ්‍යය ගහ කොල පිරුණ කඳුවැටි වලින් ආරක්ෂිත රාජ්‍යයක්. කොටින්ම බලන බලන හැම පැත්තම කොල පාටින් දිස් වෙච්ච රාජ්‍යයක් කිව්වොත් වරදක් නෑ.

ඉතින් නෙබුකත්නසාර් රජතුමා සුපුරුදු පරිදි මේ රාජ්‍යයත් එක්ක යුද්ධ කරන්ඩ යන්නේ නෑ. ඒ වෙනුවට රජතුමා අපූරු උපායක් පාවිච්චි කරනවා. ඒ තමයි,

මෙඩ්ස් කියන රාජ්‍යයේ රජතුමාට ඉන්නවා 'අමිටිස්' (Amytis) කියලා රූ සම්පත්තියෙන් අගතැන්පත් දූ කුමාරියක්. නෙබුකත්නසාර් රජතුමා මෙඩ්ස් කියන රාජ්‍යයේ රජතුමාත් එක්ක සාකච්ඡා කරනවා රාජ්‍යයන් දෙකේම සහයෝගිතාව වර්ධනය කරගන්ඩ මෙඩ්ස් රාජ්‍යයේ දූ කුමාරිය සරණපාවා ගන්ඩ කැමතියි කියලා. (කොහොමද මේකෑ මොලේ !!)

කොහොමහරි මෙඩ්ස් රාජ්‍යයේ රජතුමා ඒ යෝජනාවට කැමති වෙලා අමිටිස් කුමාරියව නෙබුකත්නසාර් රජතුමාට සරණපාවා දෙනවා.

කුමාරියත් මේ රජතුමා එක්ක බැබිලෝනියාවේ පදිංචියට යනවා.

බැබිලෝනියාව ගැන කිව්වොත් ඒක එහෙම් පිටින්ම කාන්තාරයක්. ගහ කොලක් නෑ පේන තෙක්මානයේ . තනිකරම වැලි ගොඩක් !!!

බැබිලෝනියාවේ ටික කාලයක් ජීවත් වෙනකොට කුමාරියට හෝම් සික් (HomeSick) එක හැදෙනවා. ඒ කියන්නේ සාංකාවක් වගේ හැදෙනවා. තමන්ට හුරු පුරුදු වනගත පරිසරයෙන් ඈත් වෙලා වැලිකතරක ජීවත් වෙන්ඩ ලැබිච්ච එක ගැන කුමාරිය සෑහෙන්ඩ දුක් වෙනවා. රජ සැප තිබ්බත් මොකෑ හිතේ සතුටක් නැත්තං !!!

මේ ගැන හිතලම කුමාරිය ටිකෙන් ටික කෘෂ වෙනවා. මේක රජතුමා දැකලා කරුණු කාරණා අහනවා.කුමාරියත් සේරම විස්තරේ රජතුමාට කියනවා.

ඊට පස්සේ රජතුමා කන්දක හැඩයට හිටින්න ගොඩනැඟිල්ලක් හදනවා. ඒකේ එක එක ගස් වර්ග පලතුරු ජාති වවලා කුමරියට හුරු පුරුදු වනගත පරිසරය ගොඩනගලා දෙනවා. අන්න ඒ ගොඩනැගිල්ල තමා පස්සේ කාලෙක ලෝක පුදුමයක් වෙච්ච බැබිලෝනියානු එල්ලෙන උයන කියන්නේ !!!

උපුටාගැනීම සිතක සංකල්පනා බ්ලොගයෙන්  Source  : Ways to Boost Your Brain Power by Brainy Reads

මෙය යාළුවන් සමගත් බෙදා ගන්න ගමන් ඔබේ කාලයෙන් මොහොතක් ගතකොට අපේ පේජ් එකට ලයික් එකක් දමන්නත් කාරුණික වන්න
Page - http://www.facebook.com/JeewithayaSundarai

Greek Mythology YOU MUST KNOW

ඇතීනා

ඔන්න එකෝමත් එක කාලෙක දෙවිවරුන්ගේ රජ්ජුරුවෝ විදිහට ඉන්න සියුස් දෙවියෝ මෙටිස් (Metis) කියලා කුමාරිකාවක් සරණ පාවා ගන්නවා. මෙටිස් කුමාරිය කියන්නේ සෑහෙන බුද්ධිමත් කුමාරිකාවක් !

ඉතින් මේ කුමාරියයි සියුස් රජතුමායි සතුටින් ජීවත් වෙනවා. ටික කාලයකට පස්සේ මේ කුමාරිය දරුවෙක් පිළිසිඳ ගන්නවා. මේ කුමාරිය දරුවෙක් පිලිසිඳ ගන්න ආරංචිය අහපු සියුස් රජතුමා ඒ තරම් සතුටු වෙන්නේ නෑ.රජතුමා කලබල වෙනවා.

එහෙම කලබල වෙන්නේ බැරිවෙලාවකවත් කුමාරිය පුතෙක් බිහි කලොත් සියුස් රජතුමාට පුතාගේ අතින් මැරුම් කන්න සිද්ධ වෙන්ඩ වෙන නිසා.නමුත් සියුස් රජතුමා දන්නේ නෑ තමන්ගේ ආදරනීය බිරින්දෑට දූ කුමාරියක් ලැබෙන්ඩ හිටපු විත්තිය.! ඉතින් මේ රජතුමා තමන්ගේ දේව බලය පාවිච්චි කරලා මේ ආදරනීය බිරින්දෑව චූටි කෘමියෙක් බවට පත් කරනවා. ඊට පස්සේ මේ රජතුමා තමන්ගේ ආදර නීය බිරින්දෑව ගිලිනවා.

තමන්ගේ ආදරනීය බිරින්දෑව ගිල්ලට පස්සේ සියුස් රජතුමාට දරාගන්ඩ බැරි තරමේ දරුණු හිසේරදයක් හැදෙනවා. ග්‍රීසයේ හිටපු හැම වෙදෙක්වම ගෙන්නුවත් මේ හිසේ රදය හොද වෙන්නේ නෑ.. කොටින්ම වෙදකමට අධිපති ඇපලෝ කියන දෙවියන්ටවත් මේ හිසේරදය හොද කරන්ඩ නම් ලබෙන්නේ නෑ..

අන්තිමේදි සියුස් රජතුමාට කරකියා ගන්න දෙයක් නැතිවෙනවා.ඊට පස්සේ සියුස් රජතුමා, කම්මල්වැඩවලට අධිපති හිපාක්ටස් කියන දෙවියන්ව කැඳවනවා. ඊට පස්සේ හිපාක්ටස්ට අණ කරනවා එක පොරෝපාරකින් තමන්ගේ ඔළුව දෙපළු කරන්ඩ කියලා.

සියුස් දෙවියන්ගේ අණ පිළිපැදපු හිපාක්ටස්, තමන්ගේ පොරොවෙන් සියුස් රජතුමාගේ හිස දෙපළු කරනවා.හිස දෙපළු කලාට පස්සේ නළල පැළුන තැනින් යුධ ඇඳුම් වලින් සැරසුන කුමාරිකාවක් එලි‍යට එනවා.එහෙම එලියට එන කුමාරිය තමයි ඇතීනා දෙවඟන කියන්නේ.

මේ ඇතීනා දෙවඟනට තමන්ගේ අම්මගේ බුද්ධිමත් කම නො අඩුව ලැබෙනවා. මේ නිසාම කුමාරිය පසු කාලිනව බුද්ධියට අධිපති දෙවඟන බවට පත් වෙනවා. තව දෙයක් තමයි යුධ ඇඳුමින් සැරසිලා පැමිණි ඇතීනා දෙවඟන යුධ උපක්‍රමවලට අධිපති දෙවඟන කියලත් හඳුන්වනවා.කොටින්ම ඇතීනා දෙවඟන කියන්නේ රූ සම්පත්තියෙන් අගතැන්පත් දෙවඟනක් !

ඒ වගේම සියුස් රජතුමාත් තමන්ගේ දූ කුමරියට සෑහෙන්ඩ ආදරේ කරනවා. කොටින්ම තමන්ගේ උපදේශිකාව හැටියට දූ කුමාරියව පත් කර ගන්නවා. :)

ඔන්න ඔහොම තමයි බුද්ධියට අධිපති ඇතීනා දෙවඟන උපදින්නේ..
Source  : Ways to Boost Your Brain Power by Brainy Reads
උපුටාගැනීම සිතක සංකල්පනා බ්ලොගයෙන් ..........

මෙය යාළුවන් සමගත් බෙදා ගන්න ගමන් ඔබේ කාලයෙන් මොහොතක් ගතකොට අපේ පේජ් එකට ලයික් එකක් දමන්නත් කාරුණික වන්න
Page - http://www.facebook.com/JeewithayaSundarai

" මීට වසර 50,000කට පෙරත්

" මීට වසර 50,000කට පෙරත් පෘථිවියේ මිනිසුන් අතර දරුණු පරමාණු යුද්ධයක් ඇතිවූ බවට නිදර්ශණ තිබේ. රාම රාවණ යුගය පෘථිවිය මත ඇතිවුනු අවසාන පරමාණු-ජලකර යුද්ධය විය හැකියි......"

" ඉන්දියාවේ හා ටිබෙට් රටේ වසර ගණනාවක් පර්යේෂණ කටයුතුවල නිරත වුනු ඩෙක් බැරින්ටන් බ්‍රිතාන්‍ය ජාතික පුරාවිද්‍යාඥයෙකු වූ අතර ඔහු ටිබෙට් දේශයේ බෞද්ධ ලාමා හිමිවරුන්ගේ කුළුපග මිතුරෙකු විය. මේ හිතවත්කම නිසාම බෞද්ධ ලාමා හිමිවරුන් අතිපෞරාණික දැනුම ඔහු හා බෙදාගෙන තිබේ. ඔහුට අනුව ලාමාවරුන් අංජනම් බැලීම නම් පෞරාණික ශාස්ත්‍රයේ කෙළපැමිණිවුන් වේ.

" බැරින්ටන් හට ලාමාවරුන්ගෙන් දැනගන්නට ලැබුණු එක් තොරතුරකට අනුව එක් ජ්‍යෙෂ්ඨ ලාමාතුමෙක් බලගතු අංජනමක් පිලිබඳව පැරණි පුස්ථකයකින් ලබාගෙන තිබෙන අතර ඉතා අපහසුවෙන් අංජනම බැලීම සඳහා අවශ්‍ය කළමණා සකස්කරගත් අතර ඔහුගේ ඉල්ලීමෙන් අංජනම බැලූ එක් ලාබාල මොන්ගෝලියන් කන්‍යාවියක් මහා අරුම පුදුම විස්තරයක් කර තිබෙනවා.....
...........අහසින් යන අමුතු යානා මහා ගිණිජාලා නංවමින් පොළොව දෙදරවමින් ගල් (බෝම්බ?? ) බිම හෙළනවා.....මිනිසුන් පණපිටින් පිලිස්සී අළුවී යනවා......අති විශාල ගොඩනැගිලි සුණුවිසුණුවී යනවා......අතිවිශාල යුධ රථ සියගණන් හේවායින් පටවාගෙන වේගයෙන් ඒ මේ අත ගමන්කරනවා.........
වාර්තාවෙන අන්දමට මෙම අන්ජනම බලවා තිබෙන්නේ 1930 ගණන්වල වන අතර අදමෙන් රූපවාහිණී හා සිනමාහල් නොතිබුණු එවන් යුගයක ඇය මේ විස්තරය සිතින් මවාගෙන සිදුකලා යයි සැක කරන්නට පුලුවන්ද? අංජනමේ පෙනුනු සියලුම මිනිසුන් සටන් ඇඳුම් වැනි නිළඇඳුම් ඇඳසිටි බවද ඇය පවසා තිබෙනවා.. "
උපුටාගැනීම ; "මා නැති දවස - සිරිසේන මාඉටිපේ"


බලසම්පන්න විමානයක් පියාසර කරවූ ගුර්කා සිය යානයෙන් ප්‍රක්ශිප්තයක් මුදාහැරියේය (මිසයිලයක්?? රොකට්ටුවක්??). සකලවිශ්වයේ බලයෙන් කුළුගැන්වී තිබුණු එම ප්‍රක්ශිප්තය වැටුනු සැණින් සූර්යයන් දහසක් පෑවූවක් මෙන් දිලිසෙන ගිණි හා දුම් කදම්බයක් අහසට නැගී යෝධ ඡත්‍රයක් (කුඩයක්) මෙන් පැතිර යන්නට විය. යදමින් කළ අකුණු සැරක්වන් වූ එය එතෙක් මෙතෙක් කිසිවෙකුත් අත්දැක නොතිබූ භයංකර අවියකි. එය රිශිණින් හා අන්ධකයින් හට මරණයේ සංකේතයක්ම විය.

රිශිණි හා අන්ධක පුරවරයන් අළුධූලි බවට පත්වූ අතර මුළුමහත් ජනකායම පිළිස්සී මියගියේය. මළසිරුරු කොතරම් පිලිස්සී තිබුණාද යත් කිසිවෙකුත් හඳුනාගත නොහැකි විය. මේ මහා ගිණිජාලාවෙන් බේරෙන්නට සෙබළුන් ගංගා ඇළදොළවලට පැනගති. පිලිස්සීමෙන් මියනොගියවුන්ගේ හිසකෙස් හා නිය හැලෙන්නට වුනු අතර හෝරා කිහිපයකින් සියළු කෑමබීම විශ බවට පත්විය....

ද්‍රෝනාභිශේක පාර්ව: මහා භාරත වීර කාව්‍යය

මහා භාරතය විකිරණ විශවීම විස්තර කරයි.

හිසකෙස් හා නිය හැලෙන්නට ගැනීම, වමනය, දුර්වලවීම හා වේදනාත්මක මරණය, විකිරණ විශවීමේ (radiation poisoning) රෝග ලක්ශණයන්ය - මහා භාරත රචකයා(න්) හෝ ඔවුනට මූලාශ්‍ර සැපයූවන් මේ රෝග ලක්ශණ දැක තිබුණේද? වෙනත් පෞරාණික ග්‍රන්ථවල ලියා තිබූ විස්තර උපුටා ගත්තේද? මෙවැනි බිහිසුනු යුද්ධ හා අවි ආයුධ පිලිබඳ විස්තර කටවචනයෙන් පරම්පරාවෙන් පරම්පරාවට ආවේද?

රෝගයක් හෝ ව්‍යාධියක් දකින්නට හෝ විඳවන්නට පෙර එහි රෝගලක්ශණ ලියාතැබිය නොහැකිය - ඒ අනුව මහා භාරතයේ මේ විස්තරකොට ඇත්තේ ඈත අතීතයේ යම්කලෙක භාරතයේ විසූ අයෙක් දෑසින් දුටු ව්‍යාධියක් විය යුතුය....

න්‍යශ්ඨික විකිරණවලට නිරාවරණය වූවෙක් කළයුත්තේ කුමක්ද?

මහාභාරතය, මෙයද පැහැදිලිව විස්තර කරයි. විකිරණවලට නිරාවරණය වූවෙක් ක්ශණයකින් සිදුකල යුත්තේ ජලයට පැන හැකිතාක් සේදී පිරිසිදු වී සමහි තැම්පත්වුනු විකරණ අඩංගු අළු-ධූලි අංශු සෝදා හැරීමයි - අද කාලයේද විකිරණවලට නිරාවරණයවූවන් හට ප්‍රථමයෙන් ලැබෙන්නේ සම්පීඩිත ජල කඳක් මගින් පූර්ණ සෝදාහැරීමකි.
Best Antique Cars Cheap Price
වැඩිදුර කියවන්න http://vidya-gaweshana.blogspot.com/2012/08/blog-post_17.html

මෙය යාළුවන් සමගත් බෙදා ගන්න ගමන් ඔබේ කාලයෙන් මොහොතක් ගතකොට අපේ පේජ් එකට ලයික් එකක් දමන්නත් කාරුණික වන්න
Page - http://www.facebook.com/JeewithayaSundarai

රට කැළඹූ කලාවැව ඡායාරූපයේ හිමිකරු කියන කතාව

ලොව පුරා විවිධ අභ්‍යවකාශ වස්‌තූන් හා යානාවන් පිළිබඳ නව සොයාගැනීම් ඉදිරිපත් කරන මොහොතක, එවැනි යානා පැමිණ ගිය හැටි තොරතුරු කියවන මොහොතක "දිවයින" පුවත්පත ද එවැනි අද්භූත වස්‌තුවක ඡායාරූපයක්‌ පසුගිය දිනක පුවත්පතේ පළ කළේය. ඒ වස්‌තුව පිළිබඳ ඊට පෙර කිසිදු අයුරකින් මාධ්‍යයෙන් හෙළිදරව් කර නොතිබිණි. ලොවක්‌ විශ්මයට පත් කළ කලා වැව් පිටියේදී කැමරා කාචයකට හසු වුණු ඒ අද්භූත වස්‌තුව කුමක්‌ද? රාවණාගේ දඬුමොණරයද? පිටසක්‌වලින් පැමිණි යානාවක්‌ද? නැති නම් මේ කිසිවක්‌ම නොවේද? තවමත් ප්‍රශ්නාර්ථයකි. මේ වන විටත් මෙරට පමණක්‌ නොව දේශ දේශාන්තරවල විවිධ තරාතිරම්වල අය ද මේ වස්‌තුව පිළිබඳ විවිධ මත ඉදිරිපත් කරමින් සිටියි. එහි සත්‍ය අසත්‍යතාව කවරක්‌ වුවද යම් අදිසි බලවේගයක්‌ විශ්වය පුරා විහිදී ඇති බවට විශ්වාස කළ හැකි තත්ත්වයේ තොරතුරු ද නිරන්තරයෙන්ම ලැබෙමින් තිබේ. එහෙයින්ම කලා වැව ඉස්‌මත්තේ සටහන් වූ ඒ අද්භූත වස්‌තුවේ අලුත්ම තතු විමසීමට පසුගිය දිනක අපි ඒ ඡායාරූපයේ හිමිකරු සොයා ගියෙමු.

ඔහු ප්‍රවීණ ඡායාරූප ශිල්පී කීර්ති අමරසේකරය.

"මල්ලිට කියන්න, ඔය ෆෝටෝ එක ගැන විස්‌තර අහන්න දැනට කෝල් පන්දාහකට වැඩි ප්‍රමාණයක්‌ මගේ හෑන්ඩ් ෆෝන් එකට ඇවිත් තියෙනවා. සමහර අය දෙවිවරු වගේ කතා කරලා මාව "බයිට්‌" කරන්න හදනවා. තවත් අය බොරුවට මාධ්‍ය ආයතනවලින් වගේ කතා කරනවා. ඒ නම් ගොඩක්‌ම මගේ යාළුවෝ. මමත් රැවටෙන වෙලාවල් තිබුණා. හැබැයි මම කිසිම වේලාවක මේක වදයක්‌ කියලා හිතුවේ නැහැ. බොහෝම කැමැත්තෙන් ඒ අය අහන දේවල්වලට උත්තර දුන්නා. කිසිම වේලාවක "මම කාර්යබහුලයි පස්‌සෙ ගන්න" කියලා ෆෝන් එක කට්‌ කරලා නැහැ. කවුද දුරකථන ඇමතුම ගත්තෙ ඒ වේලාවේම උත්තර දෙනවා. සමහර අය මට ෆෝන් එකෙන් බැනලා කියෙනවා මිනිස්‌සු මුළා කරන්න බොරු පින්තූර හදලා පත්තරවල දාන්න එපා කියලා. ඒත් මම ඒ අයට බනින්න ගියේ නැහැ. මට පුළුවන් විදිහට ඒ අයට මේකෙ සත්‍යතාව පැහැදිලිs කරලා දුන්නා" අව්‍යාජ සිනහා රැල්ලක්‌ මුව දෙකොණේ මතු කර ගනිමින් කීර්ති අමරසේකර එසේ කතාවට මුල පිරුවේය.

මාධ්‍ය තුළින් රාවණා යුගය පිළිබඳ පුළුල් කතිකාවතක්‌ නිර්මාණය කර ඇති මෙවැනි මොහොතක මේ අද්භූත වස්‌තුවද රාවණාගේ දඬුමොණරය විය හැකි බවට ඇතැම්හු මත පළ කළහ. එමෙන්ම ඔවුහු රාවණා ගැන දැඩි භක්‌තියකින් කතා කරන බවක්‌ද පෙනී ගියහ. කලාවැව ඉස්‌මත්තට පැමිණ ඇත්තේ රාවණාගේ දඬුමොණරය නම් එය සැබැවින්ම ලාංකීය ජනතාවට මහත් සේ ආඩම්බර විය යුතු කරුණක්‌ බවද ඔවුහු පෙන්වා දුන්හ.

"මිනිස්‌සු රාවණා ගැන මෙච්චර භක්‌තියකින් අදහන බවක්‌ ඇත්තටම මමත් දැනගත්තේ මේ සිද්ධියෙන් පස්‌සෙයි. කෙනෙක්‌ දවස්‌ ගාණක්‌ම මගේ ෆෝන් එකකට කතා කරලා කියනවා මේ යානාව නිසා අපේ ගෙදර ප්‍රශ්න, අක්‌කා හැම වේලාවෙම බනිනවා කියලා. "මමයි ඡායාරූප ගත්තෙ ඔයාගේ ගෙදර කොහොමද ප්‍රශ්න ඇති වෙන්නෙ" කියලා මම ඒ කෙනාගෙන් ඇහුවා. එහෙම ඇහුවාම ඒ පුද්ගලයා ෆෝන් එක කට්‌ කරනවා. ඔහොම දවස්‌ දෙක තුනක්‌ම කතා කරලා එක දවසක්‌ මෙහෙම කිව්වා.

"අපේ සීතා අක්‌කා මට ගෙදර ඉන්න දෙන්නෙ නැහැ. මේක මහ මළ වදයක්‌ කියලා"
ඔය ඡායාරූපය සම්බන්ධයෙන් එන කෝල්වලට මම බොහෝම ඉවසිලිවන්තව කතා කළා. මාව බයිට්‌ එකට ගන්න හැදුවත් මම හිත පාලනය කරගෙන හිනා වෙලා ෆෝන් එක කට්‌ කරලා දැම්මා. නමුත් එදා නම් මගේ රතු ඉර පැන ගෙනයි ආවේ.

"තමුසෙට විතරක්‌ නෙමෙයි ඕයි මටත් දැන් තමුසෙව වදයක්‌ වෙලා තියෙන්නෙ. කියන දෙයක්‌ තේරෙන භාෂාවෙන් කියනවා. නැතුව මගේ කාලෙ කන්න එපා" කියලා මම කිව්වා.

එතකොට ඒ කෙනා කියනවා යානාව අරගෙන යන්න යතුර දුන්නේ ඇයි කියලා සීතා අක්‌කා බනිනවා කියලා. මටත් කිසිම දෙයක්‌ ඔළුවට ආවේ නැහැ. මම ෆෝන් එක කට්‌ කරලා දැම්මා. අයිත් දවසක එයාට කෝල් එකක්‌ ගන්න කියලා මගේ ෆෝන් එකට SMS එකක්‌ එව්වා. ඒ වේලාවේ මම හිටියේ මගේ යාළුවෙක්‌ එක්‌ක. මම යාළුවට විස්‌තරේ කියලා SMS එක පෙන්නුවා. "බොට සල්ලි නැත්නම් සීතාගෙන් සල්ලි කීයක්‌ හරි ඉල්ලගෙන ෆෝන් එකට රීලෝඩ් එකක්‌ දාගනින්" කියලා මගේ යාළුවා ඒ කෙනාට SMS එකක්‌ යෑව්වා. පස්‌සෙ ඒ කෙනා කතා කරලා කිව්වා සීතා කියන්නෙ මගේ අක්‌කා නෙමෙයි මගේ අයියගේ වයිෆ් කියලා. බලනකොට මේ කතා කරලා තියෙන්නෙ බිභීෂණලු. (රාවණාගේ සහෝදරයා) එයා කතා කළේ ෆුල් සීරියස්‌. අදටවත් මට ඒ කෙනාගේ නම කියලා නැහැ. රාවණාව පුදුම විදිහට අදහන කෙනෙක්‌.

"තව දවසක්‌ කෙනෙක්‌ කතා කරලා කියනවා මම හොයපු යානාව හම්බ වුණා කියලා. ඒ රාවණා චිත්‍රපටය නිෂ්පාදනය කරන්න සම්බන්ධ වෙලා ඉන්න කෙනෙක්‌. ඒ පුද්ගලයා නම කිව්වා. ඒත් මට ඒ නම මතක නැහැ. ඒ අය දඬුමොණරය කියන්නෙ කොහොම එකක්‌ද කියලා හොය හොය ඉඳලා තියෙන්නෙ. පස්‌සේ අපිට අවශ්‍ය යානාව (හැඩය) සොයා දුන්නා කියලා මටත් ස්‌තූති කළා"

අයිත් දවසක ඔස්‌ටේ්‍රලියාවේ ඉන්න සිංහල යුවළක්‌ කතා කරලා මෙහෙම කිව්වා. අපි ඔස්‌ටේ්‍රලියාවේ ගෙදර ඉන්න කොට ඔය වගේ යානාවක්‌ දැක්‌කා. ඒත් අපිට පින්තූර ගන්න බැරි වුණා. අපේ අම්මා කිව්වා ඒ දඬුමොණරයක්‌ වෙන්න ඇති කියලා. පස්‌සෙ අපි දඬුමොණරය ගැන සොයන්න උනන්දු වුණා. රාවණා ගැන තොරතුරු හෙව්වා. අපි රාවණා ගැන සොයන්න කොච්චර නම් උනන්දු වුණා ද කියලා කිව්වොත් ඒ වෙනුවෙන්ම ලංකාවටත් ආවා" මිනිස්‌සු රාවණා ගැන මෙන්ම රාවණා යුගය පිළිබඳ සොයාබැලීමට කොතරම් නම් උත්සුක ද? කීර්ති රාවණා කතාව මතුසම්බන්ධ කරමින් කතාව වෙනත් දිශාවකට යොමු කළේය.

මීට පෙර නොවූ අයුරින් අසාමාන්‍ය ලෙස කලා වැවේ ජලය අඩු වීම නිසා කලා වැව ආරක්‍ෂා කරන කඩවර අප්පච්චි වැවට සිදුවෙමින් තිබෙන නස්‌පැත්තිය දැක බලාගැනීමට මේ යානාවෙන් පැමිණියා විය හැකි යෑයි කලාවැව අවට ගම්මු පැවසූහ. ඈත අතීතයේ සිටම කලාවැව අවට ගම්මානවල ජනතාව වාර්ෂිකව උත්සවයක්‌ පවත්වමින් කඩවර දෙවියන්ට පුද සත්කාර කිරීම පුරුද්දක්‌ කරගෙන සිටිති. එහෙත් මෙවර තවම ඒ වත්පිළිවෙත් සිදු කිරීමට ඔවුහු ප්‍රමාද වී සිටියහ. ඒ උත්සව ප්‍රමාද වූ නිසා කඩවර දෙවියන් කලාවැව ඉස්‌මත්තට පැමිණියාදෝ කියා ඇතැම් ගම්මුන් තුළ කුකුසක්‌ මතුව තිබේ. කෙසේ වෙතත් ඉතා කඩිනමින් ඒ වාර්ෂිකව පවත්වන පින්කම සිදු කිරීමට කටයුතු සූදානම් කළ යුතු යෑයි ද ගම්මු පැවසූහ.

ඇසට නොපෙනෙන ස්‌පර්ශ නොවන අදිසි බලවේගවලට ඇතැමුන්ගේ මනස ඇදී යන්නේ විදුලියටත් වඩා වැඩි වේගයෙනි. විවිධ ගම්මානවල විවිධාකාර ඇදහිලි ක්‍රම, විශ්වාස තිබේ. එහෙත් අපි මේ නොපෙනෙන බලවේගවලට මිථ්‍යාවක්‌ යෑයි නොකියමු. ඒ විවිධ පුද්ගලයන්ගේ සිතුම් පැතුම්ය. අපි නැවත කලාවැව ඉස්‌මත්තේ අද්භූත වස්‌තුව දෙසට හැරෙමු. ඡායාරූප ශිල්පී කීර්තිගේ හඬ තවත් එලෙසින්ම ගලා යයි.

"සමහර අය කිව්වා කැමරාව ඉස්‌සරහින් කුරුල්ලෙක්‌ ගිහිල්ලා කියලා. ඇත්ත වෙන්න පුළුවන්. කවුරු මොනව කීවත් මට කිසිවක්‌ බැහැර කරන්න බැහැ. මමත් තවම සොයන්නේ මේ වස්‌තුව මොකක්‌ද කියල තමයි. ඒ වගේම තව කෙනෙක්‌ මට මේල් එකක්‌ එවලා අහලා තිබුණා අලින්ව ෆොටෝ ගන්න ගියා නම් හාරදහසෙන් පංගුවකට ෂටර් එක දාගෙන හිටියේ අලි ඔච්චර වේගයෙන් දුවනවද කියලා. කැමරා තාක්‍ෂණය දන්න අයටත් වරදින වෙලාවල් තියෙනවා. මම ඒ වෙලාවේ ෆොටෝ ගන්න භාවිත කළේ "ඇපචෝ පයෝරටි" කාචය. මොකක්‌ හරි හේතුවකින් ෂීධ එක තිබුණෙ 800 කට ගිහින්. ඇපචර් එක 56 ට ගිහිල්ලා තිබුණා. එහෙම වේලාවට Shutter Speed එක තීරණය කරන්න මට බැහැ. ඒ නිසා තත්ත්පරයෙන් හාරදහසෙන් පංගුවකට Shutter Speed තියෙන්න ඇති.

මේ වස්‌තුව කැමරා කාචයට හසු වී ඇත්තේ කුමන ස්‌ථානයකදීද කියා පළමුව විද්‍යානුකූලව පරීක්‍ෂා කර බැලිය යුතුය. කැලෑවට එපිටින් නම් කොහෙත්ම මේ වස්‌තුව සතෙක්‌ නොවේ. ඒක විශාල වස්‌තුවක්‌ විය යුතුය. වැව් ඉස්‌මත්තේ කැලෑවට මෙපිටින් නම් එය ඇතැම් විට කුරුල්ලෙක්‌ විය හැකිය. මේ වස්‌තුව කැමරාවට හසු කරගත් ඡායාරූප ශිල්පියාට එය විස¹ගත යුතු ගැටලුවක්‌ විය. ඔහු මෙරට තාරකා විද්‍යාඥයන් කිහිප දෙනකුටම අද්භූත වස්‌තුව ගැන පැහැදිලිs කරමින් ඔහුගේ ගැටලුව ඉදිරිපත් කළේය. එහෙත් මෙරට තාරකා විද්‍යාඥයෝ නිරුත්තර වූහ. ඡායාරූප ශිල්පියාට තවමත් සාර්ථක පිළිතුරක්‌ ලැබී නැත.

අවසන ඔහුගේ හිතවත් ඉංජිනේරු මහත්මයෙක්‌ පොසිටියු ඡායාරූපය නෙගටියු කර පරීක්‍ෂා කළේය. එවිට ඒ වස්‌තුව කැමරා කාචයට හසුව ඇත්තේ කැලෑවට එපිටින් බව පැහැදිලිව පෙනිණි. තව දුරටත් ඒ නිගමනය සාක්‍ෂාත් කරගැනීමේ අදහසින් ඒ ඉංජිනේරුවරයා ඉන්ෆොරෙඩ් කාචයකට එමෙන්ම අල්ට්‍රා කාචයකට ද සම්බන්ධ කර ඡායාරූපය පරීක්‍ෂා කර මෙය කැලෑවට එපිටින් පෙනෙන වස්‌තුවක්‌ බව ස්‌ථිරව නිගමනය කර ඇත. දැන් මේ අද්භූත වස්‌තුව කිනම් හෝ සතෙකු, කුරුල්ලකු නොවන බව පැහැදිලිය.

"ආරක්‍ෂක අමාHdංශයේ නිලධාරියෙක්‌ මගේ හිතවතෙක්‌ගෙන් මේ ඡායාරූපයේ ඔර්ජිනල් පින්තූරය ඉල්ලගෙන ගිහින් පරීක්‍ෂා කරලා තිබුණා. එතැනදී ඒ නිලධාරීන් දැකලා තිබුණා මේ වස්‌තුවට ඉහළින් තවත් ගෝලාකාර වස්‌තූන් පහක්‌ තිබෙන බව. ඒවා මම දැකලා තිබුණෙ නැහැ. නැවත මම ඡායාරූපය ලොකු කරලා හොඳට බලනකොට එක්‌ ගෝලාකාර වස්‌තුවක්‌ මටත් පෙනුණා. මේ ලෝකයෙන් පිට ලෝකවලට යවන යානා වලටත් ආරක්‍ෂාවට තවත් යානා කිහිපයක්‌ යවනවාලු. බොහෝ විද්වතුන් කියන්නෙ මේ වස්‌තුවට ඉහළින් පෙනෙන අනිත් වස්‌තුන් මේ මව් වස්‌තුවට ආරක්‍ෂාවට පැමිණි එවා කියලයි."

ඒ වගේම එංගලන්තේ විශ්වවිද්‍යාලයක ගුරුවරයෙක්‌ මට කතා කරලා මේ ඡායාරූපය ගැන විස්‌තර අහලා, අද්භූත වස්‌තුවේ ඔර්ජිනල් පින්තූරයත් බලලා මට කිව්වා සමහර රහස්‌ යානා නිර්මාණය කරන්නේ රේඩාර්වලටත් හසු නොවන ආකාරයට ගණිත ක්‍රමයක්‌ අනුගමනය කරලා කියලා. ඉතිං "පිටසක්‌වල ජීවීන්" අපේ ලෝකයට එනවා නම් ඒ අය අපිට වඩා දියුණු ජීවීන් වෙන්න ඕනා කියලත් කිව්වා. රේඩාර්වලට විතරක්‌ නෙමෙයි තවත් ජීවියකුගේ ඇසට අසු නොවන ආකරයට ගමන් කරන්න ඉතාම දියුණු තාක්‍ෂණයක්‌ ඒ ජීවීන් භාවිත කර ඇති බවත් ඒ ගුරුවරයා කියා සිටියා. ඒත් යම්කිසි පරාසයකදී කෝටියකින් එක්‌ වාරයකදී මේ යානා පෙනෙන්නට පුළුවන් කියලත් පැහැදිලි කර දුන්නා. මගේ කැමරාවට හසු වුණු මේ අද්භූත වස්‌තුවත් පිටසක්‌වල යානාවක්‌ බව ඒ ගුරුවරයා විශ්වාස කරනවා කියලත් කිව්වා."

ඈත අතීතයේ සිට හඳුනා නොගත් පිටසක්‌වල යානා ගැන (Unidentified Flying Object) ලෝකයේ විවිධ මතිමතාන්තර පැවැති බවට සාධක තිබේ. 1930 ගණන්වලදී පිටසක්‌වල ජීවීන් ගැන සොයාබැලීමට පරීක්‍ෂණ කිරීමට ද ලෝකයේ විවිධ රටවල විද්‍යාඥයන් පටන්ගෙන තිබේ. 1940 ගණන්වලදී ඇමරිකාවේ රොයෙල් ප්‍රදේශයට කඩා වැටුණු යානාවේ පිටසක්‌වල ජීවීන් සිටි බවට මතයක්‌ ද පැතිර ගියේය. එහෙත් එහි සත්‍යතාව ලෝකයට හෙළිදරව් කිරීමට ඇමරිකාව මැලි විය. පසුකාලීනව පිටසක්‌වල ජීවීන් ගැන පුළුල්ව පරීක්‍ෂණ කිරීමට ලෝකයේ විවිධ රටවල විද්‍යාඥයෝ උනන්දු වූහ. එහි ප්‍රතිඵලයක්‌ ලෙස ඔවුහු පිටසක්‌වල ජීවීන් කොටස්‌ දෙකකට බෙදා වෙන් කර හැඳින්විය. ඒ පියවි ඇසට පෙනෙන ජීවීන් හා කැමරා කාචයට හසු වන ජීවීන් කියාය.

කැමරා කාචයක්‌ යනු අතිශයින්ම සියුම් කාචයකි. එහෙයින්ම පියවි ඇසට නොපෙනෙන බොහෝ දේවල් කැමරා කාචයට හසු විය හැක. එමෙන්ම පිටසක්‌වල ජීවීන් ගැන පරීක්‍ෂණ කරන විද්‍යාඥයන් පවසන්නේ තත්ත්පරයට කිලෝ මීටර් එක්‌ ලක්‍ෂ අසූ හය දහසක වේගයෙන් පිටසක්‌වල යානාවලට ගමන් කිරීමට හැකියාවක්‌ ඇති බවයි. එමෙන්ම ආලෝකයේ වේගයටත් වඩා වැඩි වේගයකින් මේ යානා ගමන් කරන බවද විද්‍යාඥයෝ පෙන්වා දෙති. එසේම මේ යානා විශ්වය තුළ ගමන් කිරීමට "ස්‌පේස්‌ බයින්ඩින් තියරිය" අනුගමන කරන බවද ඔවුහු පෙන්වා දෙති. මේ කරුණු කාරණා ගෙන සලකා බලන විට කලාවැව් ඉස්‌මත්තේදී කැමරාවට හසු වුණු මේ අද්භූත වස්‌තුවද පිටසක්‌වල යානාවක්‌ යෑයි පැවසීමට නොහැකිද?

මේ පිටසක්‌වල යානාවක්‌මයි කියා අපි මොහොතකට සිතමු. එසේ නම් මේ යානාව කෙසේ හෝ අපි හඳුනා ගත්තේ යෑයි කියා ලාංකිකයන් වශයෙන් අපි ආඩම්බර විය යුතුය. එමෙන්ම මේ ලෝකයට එන්නට තරම් ඒ ජීවීන්ට කොතරම් දියුණු මනසක්‌ තිබිය යුතුද? මේ සා දියුණු ජීවීන් කොටසක්‌ පෘථිවියට පය ගැසීමට ලංකාව වැනි රටක් තොරාගත්තේ කිමද?
Best Antique Cars Cheap Price
තරංග රත්නවීර

එල කිරි අඩවියෙන් උපුටගනිමකි .....

මෙය යාළුවන් සමගත් බෙදා ගන්න ගමන් ඔබේ කාලයෙන් මොහොතක් ගතකොට අපේ පේජ් එකට ලයික් එකක් දමන්නත් කාරුණික වන්න
Page - http://www.facebook.com/JeewithayaSundarai

පොළොව යටින් මතුවන අලුත් ලෝකය.....

පොළොව යටින් මතුවන අලුත් ලෝකය......

දශක ගණනාවක්‌ තිස්‌සේ එනම් අහස්‌ යාත්‍රාවල නැගී පෘථිවි කක්‍ෂයෙන් එපිටට ගොස්‌ පෘථිවියේ ඡායාරූප ගැනීමට පටන් ගත් දා සිට මනුෂ්‍යයා පෘථිවිය නිර්වචනය කළේ තමා අහසේ සිට පෘථිවියට සාපේක්‍ෂවය. පෘථිවි ගෝලයේ ඡායාරූපවලට අනුව උත්තර ධ්‍රැවයේ අයිස්‌ තට්‌ටුව මත විශාල විවරයක්‌ දක්‌නට තිබේ. පසු කාලයේදී විද්‍යාඥයන් සිකුරු ග්‍රහයා මත ද මේ ආකාරයේ විවරයක්‌ ඇති බව සොයා ගත්හ. මේ විවර තුළ කුමක්‌ තිබිය හැකිද යන්න ගැන එදා පටන් විද්‍යාඥයෝ ප්‍රශ්න කරන්නට පටන් ගත්හ.

රුසියානු භෞතික විද්‍යාඥයකු වූ ෆෙදෝරේ නෙඩෙලින් නව භෞතික විද්‍යාව ලෙස හඳුන්වන සංකල්පයක්‌ ඉදිරිපත් කරන්නේ මේ අතරය. එය නව භූගෝල විද්‍යාවකි. මේ නව භූගෝල විද්‍යාවට අනුව පෘථිවිය තුළ තවත් අවකාශයක්‌, ග්‍රහවස්‌තුන් සහ සූර්යයෙක්‌ තිබිය හැකිය. අපේ පෘථිවිය සහ සෞරග්‍රහ මණ්‌ඩලය තවත් විශාල ග්‍රහ වස්‌තුවක්‌ මධ්‍යයෙහි පිහිටි "කට්‌ටලයක්‌" (SET) වීමට ඉඩ ඇත. මෙය ඔප්පුකර නැති සංකල්පයකි. එසේම මෙය නොවන බව කීමට ද කිසිවකුටත් නොහැක.

www.thewatcherfile.com නමැති වෙබ් අඩවියක්‌ අන්තර්ජාලයේ තිබේ. මෙහි එන විස්‌තරයක කියෑවෙන පරිදි මෙයට වසර කෝටි ගණනකට පෙර අපේ පෘථිවිය විශ්වය පුරා රස්‌තියාදු ගසමින් සිටි ශීතල ගුලියකි. පසුව සූර්යයාගේ බලපෑමට සහ විශ්වයේ ඇති විවිධ ශක්‌ති ප්‍රභේදවලට ලක්‌ වූ මේ ශීතල ගුලිය ගිනියම් වී ලාවා තත්ත්වයට පත්ව යළි ක්‍රමයෙන් සිසිල් වන්නට පටන් ගත්තේය. එවිට පෘථිවියට ඝන පිට පොත්තක්‌ ලැබිණි. මේ අතර එම පිට පොත්ත තුළ බුබුළු දමමින් තිබු ද්‍රව්‍ය වායු බවට පත් විය. උණුසුම් වූ කල වායු ප්‍රසාරණය වෙයි. මෙසේ ප්‍රසාරණය වූ වායුවලින් කොටසක්‌ පෘථිවිය හිල් කරගෙන අහස බලා ගියේය.

උත්තර ධ්‍රැවයේ ඇති විශාල විවරය මෙසේ වායු පිටව ගිය තැනකි. රුසියන් විද්‍යාඥ නෙඩෙලින් කියන්නේ වායු පිටව යැම නිසා පෘථිවිය තුළ හටගත් විවරය තුළ තවත් කුඩා සූර්යයෙක්‌ පැවතිය හැකි බවය. මේ සූර්යයා ස්‌වකීය උණුසුම පෘථිවියේ විවරවලින් පිටකරන බව නෙඩලින්ගේ අදහසය. සූර්යයා යනු ජීවයේ සම්භවයට මුලය. ඒ අනුව අපගේ පෘථිවිය අභ්‍යන්තරයේ ඇති සූර්යයා මූලික කරගෙන ජීවය පැවතීමට ද ඉඩ ඇති බව විද්‍යාඥ නෙඩෙලින්ගේ අදහස ය.

නෙඩෙලින්ගේ මේ අදහස උත්තර ධ්‍රැවයේ කඳවුරු බැඳ සිටින ඇමරිකන් හමුදා නිලධාරියකු විසින් ද තහවුරු කරනු ලැබ ඇත. මේ පිළිබඳව රහස්‌ වාර්තාවක්‌ සාදන ලද බවත් එය පසුගිය දිනවල පුවත්පත් වාර්තාකරුවන් කිහිපදෙනකු අතට පත්වූ බවත් දැන ගන්නට ඇත.

1947 ඇමරිකන් නාවික හමුදාවේ වයිස්‌ අද්මිරාල් රිචඩ් බර්ඩ් උත්තර ධ්‍රැවයේ පර්යේෂණ චාරිකාවක නිරත විය. ධ්‍රැවය මතින් ගමන් කරද්දී එහි තිබූ කහ සහ දම් පැහැති තිත් පෙළක්‌ සහ විශාල විවරයක්‌ ඔහුට දැක ගත හැකි විය. එම තිත් පෙළ වඩාත් හොඳින් බලා ගැනීම සඳහා යානය පහත් කරන විට කඳුපෙළක්‌ වැනි යමක්‌ දිස්‌ විය. එහිදී ඔහු දුටුවේ මිරිඟු දර්ශනයක්‌ බඳු වනාන්තර ගංගා තණ බිම් යනාදියයි. පියාසර කරන යාත්‍රා සහ පළිඟුවලින් සාදන ලද ගොඩනැගිලි සමූහයක්‌ ද ඔහු දුටුවේය. තමා අලුත් මහාද්වීපයක්‌ සොයා ගත් කොලොම්බස්‌ කෙනෙකුට සමාන බව ඔහුට සිතිණි. යානයේ තිබූ උෂ්ණත්ව මාපකය සෙල්සියස්‌ අංශක + 24 ට නැග ස්‌ථාවර විය. උත්තර ධ්‍රැවයේ මෙතරම් විශාල උණුසුමක්‌ තිබිය නොහැක. ඒ අතර යානයේ ගුවන් විදුලි හුවමාරු පද්ධතියද නැවතිණි.

ගුවන් නියමුවා ආපසු ගෙදර ආවේ සිහිය විකල් කරගෙනය. ඔහුගේ බිරිඳ ඔහු අත තිබූ ගුවන් ගමන් වාර්තා පොත පිරික්‌සා බැලුවාය. එයින් කියෑවුණේ ගුවන් නියමුවා යානය බිමට පහත් කර පෙර කී විවරය තුළින් පහළට ගමන් කර පොළොව යට පිහිටි 'අලුත් ලෝකයක්‌' නරඹා ඇති බවය. එම ලෝකය කොතරම් සංවර්ධිතද යත් එම දියුණුව ලබා ගැනීමට ඇමරිකාවට වසර 1000 ක්‌ වත් ගත වනු ඇතැයි ඔහුට කල්පනා වී ඇත. මේ ලෝකයේ සංස්‌කෘතිය ඉතා සුන්දර වූ අතර ජනයා අධ්‍යාත්මික සුවය කෙරෙහි මහත් සේ ආසන්නව සිටින බව පෙනෙන්නට තිබිණි. ඔවුන් අතර සටන් හෝ ගැටුම් තිබුණේ නැත. ඔවුන් සිය ජීවිතය පවත්වා ගෙන යැම සඳහා හඳුනාගෙන තිබුණේ නව ශක්‌ති ප්‍රභවයන් ය. ඔවුන්ට කොහෙන් හෝ ඇති තරම් ආහාර ලැබෙන බව ගුවන් නියමුවාට වැටහිණි. ඔවුන් සතුව අහස්‌ යානා ද තිබිණි. ඔවුන් පෘථිවිවාසීන් සමග සම්බන්ධකම් පවත්වන්නට උත්සාහ කරන ලද නමුත් එම උත්සාහයන් අසාර්ථක වූ බවත් ඇතැම් විටෙක පෘථිවිවාසීන් ඔවුන්ගේ ගුවන් යානාවලට පහර දී විනාශ කළ බවත් වයිස්‌ අද්මිරාල් රිචඩ් බර්ඩ්ට ඔවුහු කීවෝය. අවසානයේදී පෘථිවි ශිෂ්ඨාචාරය විනාශ වන කාලය එළඹුන විට ඔවුන්ට උදව් කිරීමට මේ සැඟවුණ ශිෂ්ඨාචාරයේ ජනයා තීන්දු කරගෙන තිබිණි. අවසානයේදී ගුවන් යානයෙන් පොළොව මතුපිටට ආ ඔහු සැතපුම් 2750 ක්‌ උඩට ගමන් කර ඇති බව යානයේ තිබූ මීටරවලින් සොයා ගත්තේය. පසුව මේ සිද්ධිය වාර්තා කළ කල්හී පෘථිවියේ සිටි යුද ප්‍රධානීහු මේ ගැන වචනයක්‌වත් පිටතට නොදෙන බවට වයිස්‌ අද්මිරාල් පොළඹවාගෙන ඔහුගේ ජීවිතය ඉතිරි කාලය තුළ ඔහුගේ කටයුතු කෙරෙහි මහත් විමසිල්ලෙන් පසුවූහ.

පෘථිවිය තුළ ඇති යෝධ කුහරවල වෙනස්‌ කුඩා ලෝක සහ ශිෂ්ඨාචාර තිබිය හැකි බවට ඇතැම් විද්වතු=න් ප්‍රකාශ කරන මතයට විරුද්ධ කණ්‌ඩායමක්‌ ද සිටිති. ඔවුන් කියන්නේ මිනිසුන්ට සිහින දැකීමේ අයිතිවාසිකම ඇති බවය. ඒ සිහිනවල ගැලී පොළොව තුළ මිනිසුන් ජීවත්වන බව සිතීම ද එම අයිතියේ කොටසක්‌ බව ය ඔවුන් පෙන්වා දෙන්නේ.

අනුර සොලමන්ස්‌

එළකිරි අඩවියෙන් ......

මෙය යාළුවන් සමගත් බෙදා ගන්න ගමන් ඔබේ කාලයෙන් මොහොතක් ගතකොට අපේ පේජ් එකට ලයික් එකක් දමන්නත් කාරුණික වන්න
Page - http://www.facebook.com/JeewithayaSundarai

රත්න ශ්‍රී විජේසිංහ තරුණ ගුරුවරයෙක් විදියට

ඒ කාලේ අපේ රත්න ශ්‍රී විජේසිංහ තරුණ ගුරුවරයෙක් විදියට දුෂ්කර සේවය කරලා තියෙන්නේ මොනරාගල... හම්බන්තොට පැත්තේ...බොහොම කටුකයි නේ....ඉතින් ඒ දවස්වල එයා වැඩට යන්නේ පයින් ...ඔහොම දවසක් යනකොට මිනිස්සු ඉඩමක් වටකරගෙන මහා උද්ගෝෂණයක් ලු...ඒ ගොල්ලන් බැකෝ ඩෝසර් ලොරි තඩි නවත්තගෙන කෑ ගහනවලු...බලනකොට ඒ පැත්තේ වැවක් අයිනේ කැලේ එලි කරලා විදේශීය සමාගමකින් හෝටලයක් හදන්න ලෑස්ති වෙනවලු...මිනිස්සු මේකට විරුද්ධව පෙළ ගැහිලා....

ඉතින් එදා ගෙදර ආපු රත්න ශ්‍රී...ඒ පළාතේ මිනිස්සුන්ගෙම දේව යාගයක තාලය පදනම් කරගෙන ලියපු සින්දුව....බිම්බරක් සෙනග ගැවසුන චනද්‍රසුරයා ඉපදුන...කියන කපුගේ ගේ අපිට නැතුවම බැරි අපුර්ව ගීතය...

ඒ වගේම රත්න ශ්‍රී සර් උදේට වැඩට යනකොට හැමදාම යනවලු පුංචි දුප්පත් පැලක් පහු කරගෙන...මේ ගෙදර ඉන්නවලු පුංචි ගෑනු දරුවෙක් ...ගේ ඉස්සරහ තියෙන ලස්සන නෙලුම් විලෙන් නෙලුම් මල් කඩාගෙන හිනා වෙවී සෙල්ලම් කරන මේ දරුවාගේ ලස්සන හුරතල් දර්ශනයෙන් හිත හෑල්ලු කරගෙන බොහම සතුටෙන් ලු එතුමා වැඩට යන්නේ...

දවසක් මෙහෙම යනකොට මේ දරුවා පේන්න නැතිලු...ඒ වෙනුවට ගෙදර සෙනග පිරිලා ...පොඩියට සුදු කොඩියකුත් පේනවලු...මහා විලාපයකුත් ඇහෙනවලු...ඇඟ සසල වෙලා ගිය රත්න ශ්‍රී...ඒ පැත්තට ගිහින් බැලුවාලු...දැනගත් දෙයින් එතුමාගේ ඇස කඳුලින් තෙමුනලු....

ඊට කලින් දවසේ රෑ ගෙදර අම්මයි තාත්තයි පුංචි දරුවා ගෙදර තියල පොඩ්ඩකට හේනට ගිහින්....ඒ ටිකට ගෙදරට රිංගපු කාමාතුර යක්ෂයෙක් මේ පොඩි එකාව විනාස කරලා...ඒ කම්පනය දරාගන්න බැරුව ඒ දරුවා ර හඳ පාන බැබලි බැබලි තිබුන අර නෙලුම් විලටම පැනල දිවි තොර කරගෙන...

මේ හද කම්පා කරවන සිද්ධිය මුල් කරගෙන රත්න ශ්‍රී අතින් ඒ දරුවාගේ පියා නගන ශෝකාලාපය ගීයකට නැගී...සුනිල් එදිරිසිංහයන් ගේ සංවේදී කටහඩින් ගැයුනේ...

චන්ද්‍රරමන්ඩලේ සැතපුන පුංචි සාවියේ - මන්ද කියාපන් නොකියම හැංගිලා ගියේ .....යන ලෙසින්....
මේ විස්තර රත්න ශ්‍රී සර් ම කිව්වේ ගාල්ල ශාන්ත අලිවිශියස් විද්‍යාලයේ මාධ්‍ය දිනයට ප්‍රධාන ආරාධිතය ලෙසින් පැමිණි වෙලාවේ...

එළකිරි අඩවියෙන් ........


මෙය යාළුවන් සමගත් බෙදා ගන්න ගමන් ඔබේ කාලයෙන් මොහොතක් ගතකොට අපේ පේජ් එකට ලයික් එකක් දමන්නත් කාරුණික වන්න
Page - http://www.facebook.com/JeewithayaSundarai

පෝල් ලෝන් (Paul Long)

පෝල් ලෝන් (Paul Long) නැමති පුත්ගලයා තම දරුවන් වන 6 හැවරදි ජොශපීන් සහ 8 හැවරදි ෆේබියන් පාසලට රැගෙන යමින් සිටියා. හදිසියේ තම කාරයේ ඇන්ජිම නතරවුනේ පෝලුත් ළමයිනුත් පාරේ අතරමන් කරමින්. පෝල්ට උවමනා වුයේ මෝටර් රථය පාර කෙළවරේ මන්තීරුවට තල්ලු කරගන්නයි. කවුරුවත් නැවැත්තුවේ නැහැ. කවුරුවත් ඇවිත් ඇහුවේ නැහැ "ඔබට උදවුවක් අවශ්‍යද කියලා හෝ ඔබට තල්ලුවක් අවශ්‍යද කියලා?'', පෝල් කියා සිටියා. ටික වේලාවකට පසු එක්තරා මෝටර් රථයක් පාරේ අයිනේ නැවැත්තුවා. එම මෝටර් රථයෙන් බැස ආවේ හුඩියක් (hoodie) පැළඳගත් පුත්ගලයෙක්. ඔහු මා වෙත ඇදී එනවිට මම දකින දර්ශණය අදහා ගැනීමට බැරි වුනා. ඒ ආවේ ඩේවිඩ් බෙකම් (David Bekham). මම අහුවා ඔබ ඩේවිඩ් බෙකම්‍ නේද? කියා.හිස වැනූ ඔහු මගෙන් අහුවා මට මොනවද වෙන්න ඕනෙ කියලා? මට ඕනෙ කාර් එක පාරේ කෙලවරේ මන්තීරුවට දාගන්න.... කියලා. ඔහු මගේ කාර් එක තල්ලු කලා. ඉන් පසුවත් ඇහුවා මට තව උදව්වක් ඕනෙද කියලා.. මම කිව්වා නැහැ. බෙකම් මම ඔබට ආදරෙයි කියලා. ඔහුගේ නිහතමානී මහත්මාගතිය මගේ හිතේ සදහටම රැදේවි. ඩේවිඩ් බෙකම් කියන්නේ එන්ගලන්ත පාපන්දු කන්ඩායමේ හිටපු සුපිරි තරුවක් වගේම තවත් පාපන් දු ක්‍රීඩා සමාජ කිහිපයක නම දරා සිටි ක්‍රීඩකයෙක්. ඒවගෙම මුලු ලොවම දන්නා ජනප්‍රිය චරිතයක්. රූපවාහිනී වැඩසටහන් හා අනෙකුත් වැඩසටහන්වලට සහභාගී වන තාරකාවක්. නමුත් මොහු කල ඒ හොඳ ක්‍රියාව වැඩිය ප්‍රසිද්ඬ උනේ නැහැ. මොකද ඒ ඔහු කල හොඳ දෙයක් නිසා. නමුත් ඔහු වැරදි ක්‍රියාවක් කලා නම්, ඒ ගැන මුලු ලොවම කතා කරාවි. ඒක තමා තිත්ත ඇත්ත....


Thanks to Chamidu Omega for this Article.

මෙය යාළුවන් සමගත් බෙදා ගන්න ගමන් ඔබේ කාලයෙන් මොහොතක් ගතකොට අපේ පේජ් එකට ලයික් එකක් දමන්නත් කාරුණික වන්න
Page - http://www.facebook.com/JeewithayaSundarai

නව පරම්පරාවට අමතක වුනු ශ්‍රී ලංකාවේ

නව පරම්පරාවට අමතක වුනු ශ්‍රී ලංකාවේ ජනප්‍රියම සහ දක්ෂතම සක්සොපොන් වාදකයා - ස්ටැන්ලි පිරිස්


කටුගස්තොට ශාන්ත අන්තෝනි විද්‍යාලයෙන් අධ්‍යාපනය ලැබු ස්ටැන්ලි පිරිස් ලාංකීය සන්ගීත ශේෂ්ත්රය වසර තිස්තුනක්ටත් වඩා කාලයක් සේවය කල මහගු වාදකයෙක් විය.ක්ලැරන්ස් විජේවර්දනයන් කණ්ඩායම් සංගීතය හදුන්වාදුන් 1960 මැද අවදියේදී කණ්ඩායම් සංගීතය ශ්‍රී ලංකාවේ පැතිර යන විට නුවර ෆොර්චුන් සංගීත කණ්ඩායමේන ස්ටැන්ලි කරලියට පැමිණියේ ඔහුගේම නිවුන් සොයුරු රන්ගිත් පෙරේරා සමග එකම කණ්ඩායමේ වදන ශිල්පියෙකු ලෙසටය.

විජය කොරයාගේ හමුවීමෙන් පසු ඔහු සිලෝන් රේඩියෝ සමාගමේ වාදකයෙකු ලෙස සේවයට එක්විය,එහිදී 700 කටත් අදික කැසට් ප්‍රමාණයකට ඔහු අතින් සංගීතය සම්පාදනය විය.1981 දී සුර සරදියෙල් , බයිසිකලේ සහ සරන්ගා චිත්‍රපට වලින් චිත්‍රපට සංගීත අධ්‍යක්ෂණයට පිවිසුණු ඔහු ඔහු මිය යනතෙක්ම චිත්‍රපට බොහොමයකම සංගීත අධ්‍යක්ෂක ලෙස සේවය කරන ලදී.

ශ්‍රී ලාංකීය සංගීත ශේස්ත්රයට මහගු සේවයක් කල ස්ටැන්ලි පිරිස් මිය යනවිට ඔහු විසින් ගීත 1000 කටත් වඩා සංගීතය සම්පාදනය කර තිබිණ.ඔහු අප අතරින් සමුගෙන ඇතත් අදටත් ඔහුගේ ගීත අප දෙසවන් වල රැව්දේයි.

ජීවිතය සුන්දරයි පිටුවෙන්
මුතුමුදලිගේ නිස්සංක

මෙය යාළුවන් සමගත් බෙදා ගන්න ගමන් ඔබේ කාලයෙන් මොහොතක් ගතකොට අපේ පේජ් එකට ලයික් එකක් දමන්නත් කාරුණික වන්න
Page - http://www.facebook.com/JeewithayaSundarai

Father

මෙඩූසා

මෙඩූසා

ඔන්න එකෝමත් එක කාලෙක දෙවිවරුයි යක්ෂයොයි මහපොලව උඩ ජීවත් උනා. මෙන්න මේ කාලයේදි මහපොලවට අධිපති දෙවියගේ දුවයි මුහුදු වලට අධිපතියා දෙවියගේ පුතයි කසද බැඳලා ඒ දෙන්නට ලස්සන දූ කුමාරියක් ලැබුනා.

ඒ දූ කුමාරියට මේ දෙන්නා 'මෙඩූසා' කියලා ලස්සන නමකුත් දැම්මා. මෙඩූසා කියන්නේ ගොඩාක්ම ලස්සන දූ කුමාරියක්..

දෙමවුපියනුත් මේ දූ කුමාරියගේ ලස්සන ගැන වර්ණනා කලා. ඒ තරම් මේ දූ කුමරියත් සෑහෙන්ඩ ලස්සනයි. ටික ටික කල් ගත වෙලා මේ කුමාරිය වැඩිවියට පත් වෙනවා. ඒත් එක්කම එයැයිගේ ලස්සනත් බලාගෙන ඉන්නැද්දිම වැඩිවෙනවා.

දන්නවනේ කාන්තාවන් ගොඩක් ලස්සන උනහම ආඩම්බරකම ඉබේටම වගේ එනවා කියලා. මේ දූ කුමාරියටත් ආඩම්බරකම ඕනාවටත් වඩා තිබ්බා. මේයැයි හැමතිස්සෙම තමන්ගේ ලස්සන ගැන ආඩම්බර උනා. තමන්ගේ ලස්සන වර්ණනා කරන්ඩත් මේ මෙඩූසා කුමාරිය අමතක කලේ නෑ..

දවසක් මේ දූ කුමාරිය "මම තමයි මේ ලෝකේ ලස්සනම කුමාරිය ! මම ඇප්‍රොඩයිට්ටත් වඩා ලස්සනයි !" කියලා පුරසාරම් දෙඩෙව්වා. ඇප්‍රොඩයිට් කියලා කියන්නේ සුන්දරත්වයේ හා ආදරයේ දෙව්දුව !

මෙඩූසාගේ පුරසාරම් දෙඩවිල්ල ඇප්‍රොඩයිට් දෙවඟනටත් ඇහුනා.

ඉතින් මේ ඇප්‍රොඩයිට් දෙවඟන, මෙඩූසා කුමාරියට යෝජනාවක් කරනවා.

"අපි දෙන්නා මේ ලෝකේ ඉන්න කඩවසම් ම ආදරවන්තයෝ එක්ක යාළුවෙමු. ගොඩක්ම කඩවසම් ආදරවන්තයෝ වැඩියෙන්ම ඉන්න කෙනාට දිනුම ලැබෙනවා. බැරිවෙලවකවත් ඔයා දින්නොත් ඔයා ආදරයේ දෙවඟන වෙන්න මම මරණයට පත් වෙන්නම්... හැබැයි මම දින්නොත් ඔයාට මැරෙන්ඩ සිද්ද වෙනවා !!!! "

ඇප්‍රොඩයිට් දෙවඟනගේ මේ යෝජනාවට මෙඩූසා එකපයින්ම කැමති වෙනවා.

දෙන්නම එක වගේ ලස්සන නිසා තරඟය සෑහෙන්ඩ තියුණු වෙනවා. දෙන්නගේම පලවෙනි බැල්මට කසවසම් කුමාරවරු වශී වෙනවා. නමුත් මෙඩූසාගේ තියෙන අහංකාරකමත් එක්ක ජීවත් වෙන්ඩ කිසිම කුමාරයෙක් කැමති වෙන්නේ නෑ..

නමුත් ඇප්‍රොඩයිට් දෙවඟන ලස්සන වගේම ඒයැයිගේ ආදරේට වශී වෙච්ච කුමාරවරු ගනන දවසෙන් දවස වැඩි එනවා.

කොහොමහරි අන්තිමේදි තරඟය අවසාන දවසට ලං උනහම ඇප්‍රොඩයිට් කුමාරියට කසවසම් ආදරවන්තයෝ සිය ගාණක් ඉන්නවා. ඒත් මෙඩුසට හිටියේ එකම එක ආදරවන්තයෙක් විතරයි.... (කවුද දන් නෑ ඒ මෝඩයා...)

මේ තරඟයෙන් ඇප්‍රොඩයිට් දෙවඟන දිනන නිසා මෙඩූසට මැරෙන්ඩ සිද්ධ වෙනවා.... ඒත් ඇප්‍රොඩයිට් දෙවඟනගේ තියෙන හොඳ හිත නිසා මෙඩූසව මරණයට පත් කරන්නේ නෑ.. ඒ වෙනුවට ජීවිත කාළයටම බලපාන විදිහේ සාප කරනවා.

ඒ සාපය තමයි මෙඩූසා දිහා බලන හැම එකාම ගල්වෙලා යන එකයි මෙඩූසට තිබ්බ ලස්සන කොණ්ඩය විශඝෝර නයි බවට පත් කරන එක !!

Our thanks to madurangacreations.blogspot.com

මෙය යාළුවන් සමගත් බෙදා ගන්න ගමන් ඔබේ කාලයෙන් මොහොතක් ගතකොට අපේ පේජ් එකට ලයික් එකක් දමන්නත් කාරුණික වන්න
Page - http://www.facebook.com/JeewithayaSundarai